Mohamed Salah Contract tharin Record thar a siam thei dawn e

Mohamed Salah chu Liverpool lamin contract thar an offer niin an sawi a, he contract thar an offer hi a sign chuan Liverpool history bikah player hlawh hnem ber pakhat ani thei dawn niin an sawi.

Liverpool hian tun hnai lawk khan Trent Alexander-Arnold, Fabinho leh Alisson Becker te contract neih an pawhsei sak tawh a, Mohamed Salah pawh contract an pawhsei sak hnai niun an tarlang.

Liverpool Echo in an tarlan dan chuan kum 29 a upa Salah hi contract thar an pe hnai niin an sawi, contract thar a sign a nih chuan tuna kar khata a hlawh Pound 200000 ai hian a tam dawn niin an sawi.

Mohamed Salah hi Anfield chhuahsan tur angin sawi ni mahse, Club lamin la awm tir rih an duh a, amah nena sawi zawm zingah hian Real Madrid leh FC Barcelona an langsar hle.

Mohamed Salah duhtu zingah hian Paris Saint-Germain pawh an tel. Premuere League club Liverpool ah hian awmreu a tum lo a nih chuan a chunga kan sawi tak club te hi Salah luhna tura rinkai ber te anni.

Kum 2017 khan Salah hian Liverpool a zawm a, Liverpool history ah goal khungtu ropui ber pakhatah a inchhuah a ni. Liverpool tan match 203 a khelh tawh atangin goal 125 lai a khung tawh a ni.

Source Sl

Related Posts

Leave a Reply

Your email address will not be published. Required fields are marked *

error: Content is protected !!