Mi dang hnena Ballon d’Or an lo pek tawh zawng zawng pawh kha Messi hnenah pe let vek se ka ti – Di Maria

Lionel Messi hian Cristiano Ronaldo leh midang aiin kum tin Ballon d’Or dawn hi a phu a ni tiin Angel Di Maria chuan a sawi.

Kan hriat angin France Football chuan kumin Ballon d’Or winner atan Paris Saint Germain superstar Lionel Messi an thlang a nih kha. Barcelona player hlui hian Ballon d’Or Bayern Munich hitman Robert Lewandowski leh Chelsea midfielder Jorginho te chu hnehnin a vawisarihna atan a dawng leh a ni.

Mahse, football fans tamtak te chuan Lionel Messi’an 2021 Ballon d’Or a dawng leh hi an hlim pui vak lo niin a lang. Mi tamtakin Messi ai Robert Lewandowski’an dawn a phu zawk niin an sawi.

Angel Di Maria erawh chuan Lionel Messi’an Ballon d’Or dawn a phu niin a sawi thung. Real Madrid star hlui Di Maria chuan Cristiano Ronaldo leh player dang te ai kumtin dawn a phu zawk niin a sawi.

“He naupang hi a mak tak zet, Ballon d’Or pasarih lai mai han dawn mai chu a atthlak zawk. A career chanve, chanve leh zat a ni. Midang hnena Ballon d’Or an lo pek tawh zawng zawng pawh khan Lionel Messi hnenah pek tlak a nih ka ring.” tiin Di Maria chuan a sawi.

Cristiano Ronaldo hian kum 2013 leh 2014 khan Real Madrid tan a chet that em avangin Ballon d’Or a dawng, kha tih lai khan Angel Di Maria pawh Real Madrid-ah a khelh lai a ni a, C Ronaldo nen hian kum 4 chhung an khel dun a ni. C Ronaldo nen dressing room khatah cheng ho mahse, Lionel Messi hian Ballon d’Or zawng zawng hi a phu a ni tiin a sawi.

Source Sl

Related Posts

error: Content is protected !!