Messi’an Neymar a chhang

Kan hriat angin 2021 Copa America semi final khelhah Argentina chuan hnehna changin, final puiah Brazil nen an inhmachhawn dawn a ni. Tuhnai lawk khan Barcelona lama a teammate hlui Neymar chuan Messi ram Argentina nen final a khelh duh thu leh thil dang pawh a sawi a nih kha.

Argentina chuan semi finalah Colombia an hmachahwn a, hun pangaiah an indraw avangin penalty shootout hmangin Argentina lamin hnehna an chang a ni kha. Emiliano Martinez’an vawi 3 lai a save nghe nghe.

Kum 34 a upa Lionel Messi chuan Brazil nen final an khelh hunah chuan pitch chhungah thian tih a awm dawn lo niin a sawi. Hnehna chan ngei ngei a tum ruh hle.

“Neymar thusawi kha ka hria a lawm, a chhan chu nuapang fel tak a ni.” tiin Leo Messi chuan a sawi niin Barca Universal in an tarlang.

“Mahse, hei hi final a ni dawn, kan vaiin hnehna chan kan duh vek.” tiin a sawi bawk.

Copa America 2021 khelh tawh chinah Lionel Messi goal 9 lai maiah a inhnamhnawih tawh a, goal 4 a khung mai bakah assist vawi 5 a nei tling mek. Final ah hian a vawikhatna atan Argentina nomawi a chawi pui thei mai ang em?

Source SL

Recent Post Copa America 2021 final-a Argentina hmachhawn duhtu Neymar

Brazil thiampuipa Neymar chuan Copa America 2021 final-ah Lionel Messi team Argentina hmachhawn a duh thu a sawi. Hriat angin Paris Saint-Germain superstar Neymar chuan Selecao chu Copa America 2021 final a luh pui tawh a, hetihlai hian Lionel Messi team Argentina chuan sem final ah Colombia an hmachhawn dawn chauh rih.

Brazil leh Agentina hi an awmna group ah che tha ber anni ve ve a, match 4 an khelh atangin vawi 3 hnehna an chang ve ve a, draw vawi 1 ve ve an nei. Quarter final-ah Brazil chuan Chile tumin harsa takin an bei a, 1-0 in hnehna an chang hram, Argentina erawh an chak nuam saa, quarter final khan Ecuador tumin 3-0 lai maiin hnehna an chang thung.

Neymar leh a teammate te hian Semi final ah Peru tumin 1-0 bawkin hnehna an chang thei a ni.

Neymar hnenah final-a a tum pui duh ber team an zawhna chhanin, Lionel Messi leh a thiante tumpui a duh thu a sawi.

“Argentina hi ka hmachhawn duh, a chhan chu Argentina-ah hian thian ka nei nual a, anmahni chu hmachhawn ka duh a ni, chuan Brazil in hnehna a chang thut thei” tiin Neymar chuan a sawi.

Copa America 2021 khelh mekah Lionel Messi leh Neymar an vul hle.

Lionel Messi hian Cop America 2021 khelh mekah goal 4 khung tawhin goal khung tam ber a ni mek a, hetihlai hian Neymar pawh pahnihnaah awmin goal 2 a khung ve bawk.

Argentina hian Copa America 2021 final an lut a nih ngat chuan final hmuhnawm tak a nih ngei a rinawm.

Source Sl

Related Posts

Leave a Reply

Your email address will not be published. Required fields are marked *

error: Content is protected !!