Messi’an FC Barcelona a chhuahsan hnuah captain thar tur an cofirm

Season khelh zawh takah khan Lionel Messi hi Barcelona player che tha ber a nih mai piah lamah, club captain pawh a ni. Ballon d’Or vawi 6 lai dawng tawhtu Messi’an FC Barcelona a chhuahsan chiah mai chu football khawvel mak tih a tling hial a ni.

Messi’an Barcelona chhahsan mahse, Catalan club erawh pangai takin ala kal chho zel dawn a, season thar lo awm tur atan an captain an thlang fel a ni. Main captain atan hian Sergio Busquests, Gerard Pique, Jordi Alba leh Sergi Roberto te anni hlawm dawn a ni.

Kum 2018 khan Andres Iniesta chuan FC Barcelona a chhuahsan a, a chhuahsan hnu atang hian Lionel Messi chuan captain armband a hreng tan a ni. Tunah Messi a chhuah leh avangin Sergio Busquetss chuan Barcelona team a kaihruai dawn a ni.

2021-22 season hi season chhinchhiahtlak tak pakhat a ni ngei ang, a chhan chu an player ropui ber Lionel Messi tel lova hun an hman tanna tur a nih avangin. Sergio Busquets pawh hi Barcelona legend pakhat a ni a, tun season khelh tur hi amahin a hruai dawn a ni.

FC Barcelona v Juventus - Joan Gamper Trophy

Source SK

Related Posts

Leave a Reply

Your email address will not be published. Required fields are marked *

error: Content is protected !!