Messi’an Barcelona tan game a khelh hmasak bera a teammate te kha tute nge nia, khawiah nge an awm tak?

Kum 2004 khan FC Barcelona chuan Espanyol an hmachhawn a, Lionel Messi chuan Deco thlakin FC Barcelona tana a game hmasa ber a khel a ni.

FC Barcelona youth kutchhuak Lionel Messi hi 2004-05 season khan senior team-ah a kai chhova, kum 2004 October ni 16 khan FC Barcelona tan a game hmasa ber a khel a ni, kha tih lai khan Barcelona chuan Espanyol an hmachhawn nghe nghe.

Lionel Messi chuan minute 82 naah Deco a thlak a, kha tih lai khan kum 17 leh thla 3 chauha upa a ni, Lionel Messi hi FC Barcelona tana official inelnaa inlan thei naupang ber a ni hial.

Hemi hma kumah Lionel Messi chuan FC Barcelona senior team tan alo inlan tawh, mahse, FC Porto nen friendly match an khelh lai a nia, official game a ni lo.

Barcelona tana game a khelh hmasak ber tum khan player pahnih, FC Goa defender hlui Carlos Pena hi match squad-a tel ve mahse, a khel lo, Bengaluru FC leh Hyderabad FC coach hlui Albert Roca pawh hi FC Barcelona squad-ah tel ve mahse, game an khel lo a ni.

Kum 2004 Espanyol a hmachhawn atang khan Lionel Messi chuan La Liga matches 520 lai maiah a inlan tling tawh a ni. FC Barcelona history-ah match 778 khel tawhin, inlan hnem ber ani mek.

Engpawhnise, tun tumah hian kha tih laia Lionel Messi teammate te kha kan rawn tarlang dawn a ni.

Victor Valdes – GK

FC Barcelona academy kutchhuak, Victor Valdes hi kum 12 chhung 2002 atanga 2014 thleng khan Barcelona tan a khel a, hemi hnu hian Manchester United a zawm a ni. 2015-16 season khan Valdes hi Belgian club Standard Liege lamah loan in a khel. Kum 2017 khan Valdes chuan professional football a chawlhsan a ni, Football a chawlhsan hma hian Middlebrough tan kum khat a khel.

Kum 2018 khan Veldes hian UEFA Pro Licence a zova, Madrid club ED Moratalaz youth Team a zawm. Kum 2019 khan Barcelona lama kir lehin, Juvenil A side coach ah a tang leh. Kum 2020 atang khan Barcelona club UA Horta a enkawl tan a ni.

Juliano Belletti – RB

Brazilian right back hian kum 2004 khan FC Barcelona a zawm a, Chelsea a zawm hmain season 3 chhung Barcelona ah hian hun a hmang a ni. Hliam serious tak a neih avangin kum 2011 khan professional football a chawlhsan. Februay 2021 khan Beletti hian Brazil Serie B club Cruzeiro chu assistan manager angin a zawm.

Oleguer Presas – CB

Spanish central defender hian FC Barcelona tan season 6, 2003 atang 2008 thleng khan a khel a, hemi hnu hian Ajax lamah a insawn leh. Kum 2011 khan professional football a chawlhsan. Oleguer Presas hi tunah hian football school Catalunya-ah coach angin a awm mek.

Carles Puyol – CB

Barcelona club legend leh Captain hlui Carles Puyol hian a career pumpui chu FC Barcelona tan a hlan, kum 1999 atang 2014 thleng khan Camp Nou-ah hun a hmang a ni. Spanish club lian Real Madrid tan hian major trophies zawng zawng a chawi a, tah hian La Liga tittles 6 leh Champions Leagues 3 a tel bawk. Puyol hi Barcelona history-ah player khel tam ber 5 na a ni mek, match 593 lai a khel tling a ni.

Giovanni van Bronckhorst – LB

Van Bronckhorst hi FC Barcelona-ah season 4 chhung 2003 atang 2007 thleng khan hun a hmang a. Spanish club dang ang lo takin Arsenal leh Feyenoord tan a khel kual ve a ni. Kum 2010 khan professional football a chawlhsan.

Kum 2011 khan Dutchman hian Feyenoord lamah assistant coach angin hun a hmang leh a, season 4 chhung a awm hman. Kum 2015 khan head coach atan ruat a ni. Coach angin season 4 chhung teh meuh mai a enkawl leh a, a enkawl chhung hian titles 5 lai a chawi pui hman, tah hian league tiles 1 pawh a tel. Kum 2020 khan Guanzhou R&F a zawm a, mahse, December thla khan mimal harsatna avangin a chhuahsan leh.

Tun hnai khan Barcelona player hlui hian Dutch National enkawl a duh thu a sawi chhuak nghe nghe.

Rafael Marquez – DM

Mexican star hlui hi central defender angin khel thin mahse, Coach Frank Rijkaard chuan defensive midfielder angin a khelh tam tir zawk. Marquez hi FC Barcelona-ah season 7 chhung 2003 atang 2010 thleng khan hun a hmang a, hemi hnu hian MLS club New York Red Bulls a zawm a ni. Kum 2018 khan proffesional football a chawlhsan, football a chawlhsan hma hian season 2 chhung Mexican club Atlas FC tan a khel leh phawt a ni.

A chawlh hnuah hian Atlas sporting president tana thlan a ni a, kum 2021 khan Spanish Tercera Division club Alcala Youth team coach atan a thawk leh a ni.

Deco – CM

Legendary Portuguese midfielder hian kum 2004 khan FC Porto chu UEFA Champons League nomawi a chawi pui a, hemi hnu rei vak lovah FC Barcelona a zawm a ni. FC Barcelona-ah hian season 4 chhung hun a hmang a, La Liga nomawi vawi 2 a chawi pui mai bakah, UEFA Champions League nomawi 1 a chawi pui bawk a ni.

FC Barcelona lamah season duhawm tak a hman hnuin, Chelsea a zawm a, kum 2013 khan Fluminese tana a khelh hnuin professional football a chawlhsan ta a ni.

Xavi Hernandez – CM

Barcelona kawr ha tawh zawng zawng zinga ropui ber pakhat chu Xavi Hernandez hi a ni, FC Barcelona tan match khel tam ber niin match 767 lai mai a khel, mahse February 2021 khan khelh tam lamah Lionel Messi’an a khum ta tlat mai.

Kum 2015 a FC Barcelona a chhuahsan hnu khan Qatari Club Al Sadd a zawm a, tah hian season 4 chhung teh meuh mai hun a hmang, kum 2019 khan football chawlhsanin Al Sadd Head coach atan an la lut nghal a ni.

Ronaldinho – LW

Brazilian legend Ronaldinho hi Barcelona 2003 atang 2008 thleng khan a khel. Camp Nou lama hun a hman chhungin titles 6 lai a chawi pui hman a, tan hian La liga nomawi 6 leh Champions Leageu nomawi 1 a tel. January 2018 khan Ronaldinho chuan chuan professional football a chawlhsan thu a puang ve a ni.

Samuel Eto’o – RW

Cameroon legendary striker Samuel Etoo hi Barcelona-ah season 5 chhung 2004 atang 2009 thleng khan a khel a, a hnuah Inter Milan, Chelsea leh Everton ah te a khel kual ve leh a ni. Kum 2019 khan professional football a chawlhsan thu a puang. Football a chawlhsan thu a puan hma hian Qatar SC tan season khat a khel. Tunah hian Qatar World Cup 2022 Legacy Ambassador a ni mek.

Henrik Larsson – FW

Andres Iniesta – Sub

Lionel Messi – Sub

Source Goal

Related Posts

Leave a Reply

Your email address will not be published. Required fields are marked *

error: Content is protected !!