Messi vangin PSG first team player 3 te an chhuak thut thei

Paris Saint-Germain lamah Lionel Messi a luh hnuah Paris Saint-Germain first team player pathum te chu an chhuak thut thei niin rerport in an tarlang.

French club lian PSG hian 2021/22 Ligue 1 season khelh mekah match 4 an khel tawh a, kum 29 a upa winger Pablo Sarabia hi game 2 ah inlan ve tawhin minute 20 chauh ala khel tling rih a ni.

This image has an empty alt attribute; its file name is Sarabia.jpg

Report in an tarlan dan chuan Sevilla winger hlui hian transfer window khar hmain PSG a chhuahsan dawn niin report in an tarlang a, Lionel Messi an lak hnuah inkhelhna hun a nei tlem dawn niin a lang.

Spain international hi right lamah attack angin a khel tam zawk mah a, Tunah hian Messi hi la start rih lo mahse, left lamah pawh khel thei tho a nih avangin left lama insawn pawh a duh tho niin an sawi.

Marca tarlan dan chuan La Liga Champions Atletico Madrid chuan Saul Niguez’an club a chhuahsan thut chuan amah thlaktu tur atan an duh niin an tarlang. Saul Niguez hi tunah hian Chelsea lama insawn tur anga sawi mek a ni.

Ligue 1 hmahruaitu Paris Saint-Germain lam hian kum 28 a upa Mauro Icardi chu chhuak hlen tura hralh an duh niin an sawi a, Juventus hi amah duhtu zingah an lang a, mahse, Icardi hian loan a chhuah chiah a duh ve thung niin an sawi.

PSG in Lionel Messi an lak hnuah an player chhuak tura rinkai player pathum

Kylian Mbappe

Mauro Icardi

Pablo Sarabia

Source SL

Related Posts

Leave a Reply

Your email address will not be published. Required fields are marked *

error: Content is protected !!