‘Messi hi football history-a player tha ber a ni’

Scottish manager hmingthang chuan FC Barcelona superstar Lionel Messi chu, football history a player tha ber a nih thu a sawi a. Lionel Messi’an a team a hmachhawn tumin, Pathianin Messi kaiza tha a pawt niin a ring.

Kum 64 a upa Godon Strachan chuan a managerial career-ah Lionel Messi hi alo hmachhawn zeuh zeuh tawh a, mahse, kum 2008 March thla a an hmachhwn kha a theihnghilh thei lo.

“Celtic an hmachhawn tumin Messi pawh a tel ve ngei a, Isu, hei hi khawi atanga rawn kal nge a nih tiin ka sawi nghe nghe.”

“A chungchang hi ka hre tawh thin a, mahse, Celtic-ah khan Barcelona type football hetiang ang hi ka la hmu ngai lo. Midfield-ah khan Andres Iniesta, Xavi Hernandez leh Yaya Toure te an khel, anni pathum hi midfield an ni.”

“Barcelona kha away-ah kan hmachhawn a, team talk kan nei a, bei fan fan turin, Barca fans lam pawh an tang ruh hle, 45 second a nih meuh chuan, 1-0 Barcelona a ni tawh. Pathian-ah rinna ka nghat tawp, a chhan chu minute 30 hnuah phei chuan, Pathianin Messi kaiza tha a pawt tlat hian ka hria, ‘Aw Lalpa ka lawm e’ ka ti nghe nghe.” tiin a sawi.

Scotland leh Celtic manager hlui Godon Strachan chuan, Lionel Messi hi football field a lut tawh zawng zawng zingah a ropui ber niin a ring.

“Football history-ah player tha ber a nih ka ring. FC Barcelona mi leh sate ka bia a, an sawi chu a finna ringawt hi a nilo, naupang mak dangdai tak a ni, mi zawng zawngin amah chu an duh tiin an sawi.”

Source SL

Related Posts

Leave a Reply

Your email address will not be published. Required fields are marked *

error: Content is protected !!