Messi chungchanga zawhna Sergio Ramos’an a chhang

Kan hriat angin Lionel Messi chu Paris Saint-Germain nena sawi zawm a ni, hemi chungchangah PSG defender thar Sergio Ramos hnenah Messi an zawt a, an zawhna a chhang.

FBL-ESP-LIGA-REAL MADRID-VILLARREAL

Messi’an Barcelona lama contract a neih a hman zawh hnu atang khan PSG nena sawi zawm a ni, 2020/21 season zawh hma atang tawha sawi zawm an lo ni tawh.

Tun summer transfer window-ah hian French club lian PSG in lak luh an tum hle niin sawi a awm a, hemi chungchangah Les Parisiens player lak luh thar Sergio Ramos hnenah Messi’an Parisa zawm tur chungchang zawhna zawh a ni.

“Leo hi khawvel player tha ber pakhat a ni,” tiin Sergio Ramos chuan Messi chungchanga zawhna a chhang niin El Mundo chuan a tarlang.

“Mahse, ka thu a ni lo, vawi sangkhat pawh ka sawi thei, mahse, ka sawi avang khan an ti fel dawn chuang lo. Mi tupawhin ngaihdan an siam thei a lawm.”

“Mahse, ka kiang velah hian player tha awm se tih chu ka duh, englai pawhin Messi hi ka team a awm turin ka duh a ni.” tiin a sawi bawk.

2021 Copa America winner Lionel Messi hi free agent in awm rih mahse, PSG lamin vawikhat mah lak tumin an la bei rih lo niin an sawi.

Hetihlai hian FC Barcelona chuan an superstar Lionel Messi hi contract thar an pe hnai niin report hrang hrangin a tarlang.

Source SL

Related Posts

Leave a Reply

Your email address will not be published. Required fields are marked *

error: Content is protected !!