‘Mbappe’an PSG-ah Contract thar a sign duh loh chuan, kumkhat chhung bench-ah thuttir turin vau rawh se’

Paris Saint-Germain in contract thar an offer hi Kylian Mbappe’an a hnawl a nih chuan kum khat pumhlum bench-ah thuttir rawh se tiin Eric Di Meco chuan a sawi.

Kum 22 a upa Kylian Mbappe hian Monaco atang £165.7 million in Paris Saint-Germain hi a zawm a, PSG lama a insawn hnu PSG player pawimawh ber pakhat a ni a, PSG ti tha bertu pakhat a ni.

Amaherawhchu, Paris Saint-Germain ah hian kum khat daih contract la nei rih mahse, French khawpuiah Kylian Mbappe hmalam hun a chiang lo hle a, Nakum 2022 June thla khian a contract neih a zo dawn a ni.

Engemaw chang chuan Spanish club lian Real Madrid lama insawn tur anga sawi thin a ni. Hetihlai hian Real Madrid president Florentino Perez chuan Mbappe lak luh a la tum rih lo niin a sawi ve thung.

Kum 57 a upa Di Meco chuan, Paris Saint-Germain hian ball har tak an khel a ni tiin a sawi.

France international hlui Di Meco chuan ti hian RMC Sport a hrilh, “He strory a buaina lian ber chu a contract neih kum tawpnaa kal tir hi a ni.” tiin a sawi.

“PSG in nih a, in tih theih chu, powerful takin thu in sawi thei, ‘kan hnenah i chhunzawm duh tawh loh chuan, i contract neih tawpna berah hian kum khat chhung bench-ah i thu ang’ tiin in sawi thei ang”

“Hetiang hian Paris lam hian an ti thei a ni, hetianga an ti a nih chuan, Kylian Mbappe’an contract thar a sign thuai mai ang” tiin a sawi bawk.

Season liamtaah khan Kylian Mbappe hi PSG tan a che tha leh hle a, all competition-ah match 47 a khelh atangin goal 42 lai a khung a ni.

Lligue 1 bikah goal 27 a khung thei bawk. Mahse, Lille lakah Ligue 1 nomawi an chan a ni.

Source sportbible

Related Posts

Leave a Reply

Your email address will not be published. Required fields are marked *

error: Content is protected !!