Mbappe’an a hmaa Real Madrid a hnawl chhan a sawi

Paris Saint-Germain superstar Kylian Mbappe chuan Real Madrid zawm theihna huntha a neih laia, a hnawl chhan a sawi chhuak.

Kum 2014 khan Kylian Mbappe chu Madrid lamah Spanish club lian an hmachhawn a, kha tihlai atang tawh khan Real Madrid in Kylian Mbappe an duh tawh niin report in an tarlang.

Kylian Mbappe chuan a idol Cristiano Ronaldo leh Zinedine Zidane te a tlawh a, mahse, Monaco lamah kir lehin, a nu leh pa ten an ram chhungah ngei a zirna (school) zo ngei turin an duh pui niin Mbappe chuan a sawi.

“Ka nu leh pa in France lamah ka career bul tan turin min duh a, France-a lehkhazir turin min duh bawk.” tiin Kylian Mbappe chuan L’Obs a hrilh.

“Football khelh a, zirlai zir chhungzawm hi an duh ber pakhat a ni. Spain-ah kal ta ila, Zidane awm mahse, ram dang a ni a, culture dang nei an ni.” tiin a sawi bawk.

Kum 2015 khan Monaco-ah Mbappe hi a che tha hle a, kum 2 lai mai Monaco first team-ah a awm hnuin Paris Saint-Germain a zawm ta a ni.

Kylian Mbappe’an PSG lama contract a neih hi nakum June 2022 khian a zo ve dawn a, UEFA Champions League nomawi vawi 13 lai lo chawi tawhtu Real Madrid nen sawi zawm an la ni mek.

Source SL

Read More (Fans 42.8 percent lai mai ten N’Golo Kante chu Ballon d’Or dawng turah an ngai)

Chelsea star N’Golo Kante chuan season duhawm tak a hmang a, Champions League final Manchester City nen an khelh tum pawh khan Man of the Match atan an thlang nghe nghe.

Pep Guardiola team an hneh tum pawh khan a che tha hle a, duels vawi 11 ah a chak a, recovering vawi 10 a nei bawk. Hei chauh a ni lova, ram tana a chet tawhna te thlir let chuan Ballon d’Or dawng tur zingah a langsar ber pawl pakhat a ni.

Round of 16 a Atletico Madrid an hneh tum pawh khan Kante hian Player of the Match award a dawng a, semi final Real Madrid nen an khelh vawi 2 ah pawh khan MOTM vawi 2 a dawng leh bawk.

Kum 30 a upa N’Golo Kante hian Ballon d’Or dawn theihna 5/1 a hmu a, rinkai ber a ni. FC Barcelona superstar Lionel Messi chuan 7/1 a hmu ve a, C Ronaldo’an 10/1 a hmu bawk. FC Barceona superstar LIonel Messi leh Juventus sueperstar C Ronaldo hi La Liga leh Serie A top scorer ve ve anni.

Fan tamtakin Kante chu 2021 Ballon d’Or dawng turah an ngai. A chhan chu thla tlemte liamta khan a che tha tak zet.

Spectatorindex Twitter account chuan Ballon d’Or dawng tur rinlawkna poll an siam a, fans 155,000 lai mai ten vote an thlak a ni.

155,000 atangin 5.2 percent in Paris Saint-Germain superstar Kylian Mbappe’an a dawn an ring a, 27.3 percent in Barcelona forward Lionel Messi’an an ring ve bawk.

42.8 percent lai maiin Chelsea star N’golo Kante chuan Ballon d’Or a dawn an ring ve thung. Hmu tam ang reng hle.

N’Golo Kante hian Ballon d’Or dawng lo ta se, tunge dawng ta ang le?

Source Sportbible

 

Related Posts

Leave a Reply

Your email address will not be published. Required fields are marked *

error: Content is protected !!