Manchester United nena sawi zawm manager shortlist 9 te

Manchester United in an manager Ole Gunnar Solskjaer an ban hnuah, Ole thlaktu tura rinkai manager 9 (shortlist) te kan rawn tarlang ve leh dawn a ni. Cristiano Ronaldo’an Man U manager tura a duh pawh a tel ve a ni.

Kan hriat angin Manchester United chuan nimin khan an manager kum 48 a upa Ole Gunnar Solskjaer chu an ban, hei hi 4-1 lai maia Watford an hneh loh hnua thil thleng a ni. League game vawi 7 an khelh atanga an tlawm vawi 5 na a ni.

Manchestester United in Ole Gunnar Solskjaer an ban hnuah Michael Carrick chu United team enkawl lai lawk tura chhawr a ni a, season tawp thleng a enkawl ang. Season thar atang hian manager thar an nei dawn chauh niin a lang.

Real Madrid manager hlui Zinedine Zidane hi Manchester United manager tura rinkai ber pakhat a ni mek a, mahse, English tawng a thiam vak loh avangin Premiere League club enkawl hna chelh chu ala inpeih chiah loh niin report in a tarlang.

Hriat angin Zidane’an Los Blancos a enkawl lai khan a zawnin UEFA Champions League nomawi a chawi pui nghal a nih kha. Champions League nomawi a chawi pui hnu lawkah club a chhuahsan a, a hnuah lut lehin 2020/21 season tawp rual khan Spanish club lian hi a chhuahsan leh.

Sky SportsĀ in an tarlan dan chuan Cristiano Ronaldo chuan Luis Enrique chu Manchester United manager thar tur atan a duh ber niin an tarlang. Hetihlai hian Spanish coach Luis Enrique hnenah zawhna zawh a ni, a ni chuan, “Vawiin hi Aprill Fools Day em ni?” tiin a chhang thung.

Manchester United manager thar tur hian coach tha tak tak hming a lang ve nuk a, Ajax Amsterdam boss Erik ten Hag, Leicester City boss Brendan Rodgers leh Paris Saint-Germain boss Mauricio Pochettino te hi an lang ve bawk.

Engpawhnise, tun tumah hian Manchester United nena sawi zawm manager 9 te kan rawn tarlang ve leh dawn e.

Zinedine Zidane (unemployed)

Erik ten Hag (Ajax Amsterdam)

Luis Enrique (Spain)

Julen Lopetegui (Sevilla)

Brendan Rodgers (Leicester City)

 

Mauricio Pochettino (Paris Saint-Germain)

Ralf Rangnick (Head of Sports and Development at FC Lokomotiv Moscow)

Gareth Southgate (England)

Laurent Blanc (Al-Rayyan)

Source SL

Related Posts

Leave a Reply

Your email address will not be published. Required fields are marked *

error: Content is protected !!