Manchester United lama C Ronaldo hlawh tur an puang, hlawh hnem ber a ni thei dawn e?

Juventus superstar hlui Cristiano Ronaldo hi Old Trafford lamah a kir leh hnuin Manchester United player hlawh hnem ber a ni thei dawn niin Italy reports hrang hrang te chuan an tarlang.

Kum 36 a upa Portuguese forward leh Jorge Mendes chuan Zirtawpni khan Man United an lo be lawk tawh niin an sawi.

Cristiano Ronaldo Joins Manchester United via $18 Million Transfer –  Sportico.com

Manchester United chuan C Ronaldo lak luhna atan £21.3m (€25m) an theh chhuak a, kum 2 chhung atan lak luh an tum a ni.

Ballon d’Or vawi 5 dawng tawhtu C Ronaldo transfer chungchangah hian thuthang a tam hle a nih kha, mi tamtak chuan Premiere League champion holder Manchester City lam a pan kan ring deuh fur a nih kha, mahse, Man City lamin C Ronaldo lak an tumna te chu an bansan leh a ni.

Man City in lak luh an tum lo tih a chian hnuah, Manchester United lamin Cristiano Ronaldo chungchangah Juventus nen an inrem thu an rawn puang ve leh nghal.

Sky Italia in an tarlan dan chuan Cristiano Ronaldo hian kar khatah £480,000 a hlawh dawn niin an tarlang.

Portugal captain C ROnaldo hi Premiere League player hlawh hnem ber a ni thei dawn a, Premiere League hlawh hnem ber David de Gea aiin a hlawh tam zawk dawn a ni. De Gea hian kar khatah £375,000 a hlawh a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!