“Manchester United hi pathumna anni ang”

Manchester United legend Gary Neville chuan C Ronaldo’an Red Devils chu team tha takah a siam loh tur thu a sawi a, a predict naah Manchester United in pathumna dinhmun an hauh dawn niin a sawi bawk.

Kan hriat angin Season hmasaah khan Cristiano Ronaldo chuan Romelu Lukaku khumin Serie A top scorer ani a, mahse, Man Utd fullback hlui Garry Neville chuan, C Ronaldo hi kir leh mahse, Ole Gunnar Solskjaer team an that phah dawn lo niin a ring.

“Alexis Sanchez’an Manchester City a pan dawn laia, Manchester United an chet dan ang tho khan, tun tumah pawh Ronaldo hian Man City pan tum mahse, United lamin an la lut leh a ni.”

“An duh emaw duh lo pawh nise, tunah chuan player pathum an la lut tawh a, fans te pawhin tun summer-a an player pathum lak te chungchangah engmah an sawi thei lovang.”

Monday Night Football ah ka predict a, Man City hi pakhatna anni ang, Chelsea in an dawt ang, pathumnaah Man United an awm ve bawk ang. Hei hi ka thlak dawn lo, a dik turah pawh ka ngai.” tiin Garry Neville chuan a sawi.

“C Ronaldo an lak luh avang hian Chelsea aiin an that ka ring chuang lo, Season hmasaa Champions League champion anni a, Man City pawh points 20 lai maiin an sang fal.” tiin a sawi bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!