Man Utd midfielder Paul Pogba thlaktu tura rinkai Ranking Top 5

Manchester United lama Paul Pogba chet dan chu hriatthiam a har hle a, a changin a che tha a, a changin a che chhe leh em em a ni. Mahse, season liamtaah khan Man Utd tan Premiere League match 26 lai a khel ve leh tho a ni. Man Utd key player a ni tih chu hai rual a ni lo.

Man Utd lama a awm chhung hian chet thatna te pawh a nei ve nual thova, kum 2017 a Man Utd UEFA Europa League nomawi an chawi tum pawh khan a che tha hle. Mahse, Old Trafford-ah hian beisei a pha lo hle. Tunah hian kum khat daih chiah contract a nei tawh a, a lan danah Pogba hian contract thar a sign loh hmel.

Europe club tha hrang hrangin Paul Pogba hi an duh a, tun tumah hian Manchester United a Paul Pogba thlak theitu tura rinkai player 5 te kan rawn tarlang ve leh dawn a ni.

5 Ryan Gravenberch (Ajax)

Ryan Gravenberch

Ryan Gravenberch hi European team tha ten atang duhtu an awm nual.

Ajax youth system atanga rawn chawr chhuak a ni a, 2018-19 season khan Gravenberch hian senior game hmasa ber a khel, kha tih lai khan kum 16 a upa chauh ala ni. Heta tanga chhutin Ajax tan match 61 lai a khel tling tawh a, goal 9 a khung mai bakah assist vawi 7 a nei tling.

Ajax tana game hmasa ber khel thei naupang ber ala ni a, talent a nei tha in hmalam hun eng tak a ni.

Kum 19 a upa Gravenberch hi Dutch national team tana khel turin Euro 2020 ah khan koh a ni. Tuna a hlutna chu £30 million a ni a, Man Utd hian Pogba thlaktu tur atan an la lut duh ang em?

4 Nicolo Barella (Inter Milan)

Nicolo Barella

Kum 2 liamta vel atang khan Nicolo Barella hian faktu a nei tam hle. Kum 2019 khan INter Milan chuan an la lut a, Nerazzurri tan a che tha hle. Europe player rawlthar talent nei tha tak leh hmalam hun eng tak nei anga sawi a ni. Barella hi club leh a ram Italy tan pawh a che tha ve ve.

Italy in Euro 2020 nomawi an chawi theihnaah pawh khan player pawimawh tak pakhat a ni. Amah duhtu zingah EUrope team lian te an lang tam hle a, Premiere League club lian Manchester United pawh hi amah duhtu zingah an tel.

3 Saul Niguez (Atletico Madrid)

Saul Niguez

Saul Niguez hi Paul Pogba thlaktu tur zinga tel ve niin, kum 7 chhung teh meuh mai Atletico Madrid tan player pawimawh tak pakhat alo ni ve tawh.

Real Madrid youth academy atanga rawn chawr chhuak a ni a, mahse, Atletico Madrid lamah a che ropui hle, tunah hian kum 26 a upa niin Atletico Madrid tan La Lig nomawi 1, Copa del Rey nomawi 1, UEFA Europa League nomawi 2 a chawi pui tawh a ni.

Tunah rih chuan defensive midfielder angin a khel tam zawk a, Rojiblancos tan match 337 lai maiah a inlan tawh a ni. Pogba thlaktu tura rinkai ber pakhat a ni. Tuna a hlutna hi £36 million a ni.

2 Jack Grealish (Aston Villa)

Jack Grealish

Jack Grelish hi Premiere League player lawm hlawh tak pakhat a ni. Aston Villa leh England tan a che tha hle. Kum 25 a upa Jack Grealish chuan season liamtaah khan Villa chu table 11 naah a awm pui.

1 Eduardo Camavinga (Rennais FC)

Eduardo Camavinga

European top team tena an duhrawn pakhat chu Eduardo Camavinga hi a ni.

Kum 2 liamta khan kum 16 a upa niin senior game hmasa ber a khel thei. Amah duhtu zingah hian Manchester United pawh lang vein, an la lut hnai tawh niin report hrang hrangin an tarlang.

Source SK

Related Posts

Leave a Reply

Your email address will not be published. Required fields are marked *

error: Content is protected !!