Man Utd in Ole ban an tum hnuah Coach hna chelh lai lawktu tur atan Darren Fletcher leh Michael Carrick ruat an tum

Nizan Premiere League match Watford leh Manchester United khelhah Watford lam chuan 4-1 lai maiin hnehna an chang a, an tlawm hnuah Red Devils lam chuan an manager nilai mek Ole Gunnar Solskjaer ban chu an rem ti niin report in an tarlang.

Manchester United board lamin Ole Gunnar Solskjaer chungchangah emergency meeting annei a, minute 5 chhung Ole chungchang an sawi hnuah ban an rem ti niin Romano chuan a sawi.

Fabriziao Romano sawi dan chuan, Red Devils lam hian United midfielder hlui Michael Carrick leh Darren Fletcher chu manager hna chelh lai lawk (interim manager) tur atan an hmang maithei niin a sawi.

Manchester United are likely to appoint Darren Fletcher and Michael Carrick as interim managers.

Manchester United hian hun rei tak chhung atan Ole Gunnar Solskjaer thlak theitu tur manager an zawn ngei a rinawm a. Real Madrid boss hlui Zinedine Zidane leh Leicester City manager ni mek Brendan Rodgers chu Man Utd manager tura rinkai ber anni mek.

Claudio Ranieri enkawl Watford lamin Manhcester United hi 4-1 lai maiin an hneh a, nizan zet zawng Red Devils tan zan duhawm lo tak a ni. Watford lam hian minute 28 na atang an lead nghal. Watford tana goal khat khungtu hi Manchester United youth product Joshua King khung a ni nghe nghe.

Minute 44 naah Ismaila Sarr chuan goal 2 na rawn khung ve lehin, first half chawlh lai khan 2-0 in hma an hruai mek. Ole chuan second half tan a nih rual khan player pahnih la chhuakin Donny van de Beek’an goal a rawn khung nghal. 2-1 a nih lai vel kan United lam an rawn che tha chho hle a, mahse, Defender Maguire’an red card a hmu hlauh mai. Watford tan hian hun tawp dawn lamah Pedro leh Dennis an goal khat ve ve an rawn khung ve leh a ni.

Ole Gunnar Solskjaer thlaktu tur atan Zidane a langsar ber

Real Madrid coach Zinezine Zidane i Manchester United boss Ole Gunnars Solskjaer thlaktu tura rinkai ber a ni mek. Zidane’an Real Madrid a enkawl lai khan khawvel manager tha ber anga sawi a ni.

Real Madrid a enkawl laiin La Liga nomawi pahnih leh UEFA Champions League nomawi 3 a chawi pui thei a. Real Madrid lama a player chhawr Cristiano Ronaldo leh Raphael Varane hi Man Utd ah an awm leh tawh nghal a, a luh chuan a chet that pui mai ang em.

Leicester City boss Brendan Rodgers pawh hi United nena sawi zawm a ni ve bawk a. Mahse, Liverpool boss hlui hian Man Utd manager nih chu a tan a hlat rih thu a sawi.

Imagev

Source SL

Related Posts

Leave a Reply

Your email address will not be published. Required fields are marked *

error: Content is protected !!