Man Utd in Jesse Lingard hnenah contract thar an zawrh hnai, a hlawh pawh tlemin a pung deuh dawn

Kum 28 a upa midfielder Jesse Lingard hian Ole Trafford-ah kum khat daih contract a la nei mek a, hetihlai hian West Ham United lamin tun summer transfer window inhawn lai hian Lingard hi lak luh ngei an duh ve bawk. A chhan chu thla 5 chhung loan a a khelh chhuah khan a che tha hle a, game 16 a khelh atangin goal 9 a khung mai bakah assist vawi 5 a nei tling bawk.

Thla hmasa khan Brun Fernandes chuan a teammate Jesse Lingard chungchang sawiin, David Moyes hnuaia a chet that viau hnuah, Premiere League player tha ber a ni tiin a sawi. Heta awm zawng zawng te hian kan lawmpui  hle tiin a sawi. Rawn kir leh turin a inringtawk tawh a, rawn kir leh a duh, a chhan chu a inrintawk tawh vang ani.

East London club West Hame lamah hun hmang tha viau mahse, United in an player hralh chhuah an duhna man £25 million leh kar khata £110,000 hlawh tura tih Hammers lam hian an ngam lo niin The Daily Star in a tarlang.

Report thar berin a tarlan dan chuan Jesse Lingard hnehnah kar khatah £130,000 hlawh turin contract thar an zawrh hnai niin an tarlang.

Lingard hian Man Utd tan contract thar a sign dawn chuan regular taka khelh a duh dawn a, “Regular football hi ka tan chuan thil pawimawh ber a ni.” tiin Lingard hian Sky Sports a hrilh.

“Loan a ka chhuah hnuin team ah ka kir leh dawn a, goal leh assist neih lamah keimah tak tak in hmu tawh ang.”

“Ka theihna te hi ka ringhlel ngai lva, englai pawhin ka inringtawh. Pre season-ah khan manager Solskjaer nen kan inbia a, game khelh tam ka mamawh tiin ka hrilh, ani chuan, December-ah kan sawi tha dawn nia tiin a sawi. Kan inbiak that leh hnu chuan loan a ka chhuah kha a remti ta a ni.”

“West Ham lama ka khelh chhung pawh khan amah nen hian kan inbe reng thin a. Englai pawhin min fuihin, min puih reng, ka tan chuan loan ropui tak a ni.”

Source SL

Related Posts

Leave a Reply

Your email address will not be published. Required fields are marked *

error: Content is protected !!