Man Utd History-a Centre-Backs Man To Top 5 te

Manchester United hi khawvel club tha ber pakhat leh hming tha ber pakhat a ni, Old Trafford-ah hian khawvel player tha tamtak an lo khel ve tawh thin a. Player tha thenkhatte chu man to tak takin an lo la lut nual tawh a, thenkhat phei chu khawvel footballer man to pawlah an tel ve a ni.

Engpawhnise, tun tumah hi chuan United history-a centre-backs man to zual top 5 te kan rawn tarlang ve leh dawn a ni.

5. Phil Jones (Blackburn Rovers to Man United) – €19.3 million

Phil Jones hi kum 10 chuang Old Trafford-ah hian hun a hmang tawh a, mahse, duh angin a che tha lem lo. Kum 2 ai tam dawn chu Man Utd player pawimawh a ni thei tawh lova, squad-ah pawh hmun a chang tlem tawh hle. Mahse, Man United centre back man to zingah a tel a ni.

Man Utd chuan Blackburn Rovers atangin €19.3 million lai maiin an la lut.

4. Victor Lindelof (Benfica to Man United) – €35 million

Victor Lindelof pawh hi beisei angin Old Trafford lamah hian a hlawhtling lem lo, kum 27 a upa Lindelof hi England lamah a chet dan hriatthiam a har, a changin a che tha a, a changin a che tha lem lo. Swedish international Lindelof hian manager hrang hrang hnuiah Man Utd tan match 150 ah a inlan ve tawh a ni.

Manchester United chuan Monaco atang €35 million lai maiin an la lut a ni.

3. Eric Bailly (Villarreal to Man United) – €38 million

Eric Bailly hi kum 2016 khan Manchester United chuan Villarreal atangin an la lut a, Man Utd khan defence lamah harsatna tamtak an tawh lai a ni bawk a, season 2 vel kha chu Starting Xi ah a regu hle.

Season 2 hnu lamah chuan beisei a phak tawh lova, hliam neuh neuhin a ti buai ve reng bawk nen, season 3 liamta chhung khan match 28 ah chiah a inlan thei a ni.

2. Rio Ferdinand (Leeds United to Man United) – €46 million

Rio Ferdinand hi football history-ah defender ropui ber pakhat a ni, kum 2002 khan Manchester United chuan Rio Ferdinand hi Leeds United atanga lak luh nan €46 million lai mai an lo seng tawh a, kha tih laia defender manto ber a ni nghe nghe.

Manchester United lamah a hlawhtling ang reng viau, trophies thahnem tak a chawi pui a, Man Utd tan match 450 lai maiah a inlan thei bawk.

1. Harry Maguire (Leicester City to Man United) – €87 Million

Kum 2019 khan Manchester United chuan Harry Maguire hi Leicester City atangin an la lut a, kha tih lai khan mi tamtak a barakhaih hle, a man chu €87 million lai mai a tling. A man to ang hu in United lamah bul a tan tha lem lo, mahse, tunah erawh Manchester United key player a ni mek.

Kum 28 a upa Harry Maguire hi Euro 2020 Championship-ah pawh khan a che tha hle a, mi tamtakin defenders tha ber pakhat ang tein an sawi hial a ni. Manchester United hi a hlawhtlin pui thei mai ang em?

Source 90Min

Related Posts

Leave a Reply

Your email address will not be published. Required fields are marked *

error: Content is protected !!