Man Utd an tlawm hnuah C Ronaldo a tawng chhuak

UEFA Champions League match khelh takah Manchester United chu Yound Boys lakah an tlawm a, kha inkhelhah khan Cristiano Ronaldo chu lak chhuah a ni. A team te an tawm ta mai chu a duhawmlo hle niin a sawi.

Kum 36 a upa C Ronaldo hian tunkar inkhelhah European history thar dang a siam leh a, Young Boys lakah Man Utd hi 2-1 in an tlawm a, hei hi Cristiano Ronaldo leh teammates te duh ang leh beisei ang a nih loh zia a chiang hle.

Young Boys laka C Ronaldo’an goal a khung khan Lionel Messi record neih lai, Champions League club hrang hrang 36 laka goal alo khung tawhna chu a nih rual pui a ni. Hetihlai hian UCL a Iker Casillas record neih a nih rual pui bawk. C Ronaldo pawhin UCL match 177 a khel tling ve chiah.

Minutes 33 vel thleng kha chu United lam pawh an che tha a, inkhelh hmuhnawm tak an chhawp chhuak. Mahse, pakhata an kim loh hnu atang khan United lamin ball an control thei vak tawh lova, Young Boys lam hian goal an khung a, chakna goal phei chu hun tawp dawn tepa an khung a ni nghe nghe.

Cristiano Ronaldo pawh second half-ah thlak a ni, Intagram lamah ti hian a post.

“Kan duh ang result a ni lo, mahse, tun hun hi insiam that hun a ni a, kan khelh leh tur game-ah kan insawrbing a ngai dawn a ni.” tiin C Ronaldo hian a post niin Daily Mail lamin an tarlang.

Manchester United hian Pathianni lo awm turah khian Premiere League match khel turin West Ham United an hmachhawn leh dawn a, C Ronaldo pawhin goal a khung leh ngei rin a ni.

SOurce SL

Related Posts

Leave a Reply

Your email address will not be published. Required fields are marked *

error: Content is protected !!