Man United in PSG superstar Neymar lak luh an tum dawn – Report

Manchester United chuan Paris Saint-Germain forward Neymar chu lak luh an tum dawn niin Manchester Evening News in a tarlang.

Hriat angin season hmasa Premiere League-ah khan Red Devils lamin table-ah pahnihna dinhmun an hauhva, nomawi chawi tumin summer transfer lai khan an squad an thawm tha ve nghal, Jadon Sancho, Raphael Varane leh Portuguese superstar Cristiano Ronaldo te chu an la lut ta a ni.

Mahse, tun Premiere League table-a an position erawh a lungchhiatthlak ang reng, season hmasa nen chuan khaikhin chi rual loh a ni. Tunah hian an manager Ole Gunnar Solskkjaer an ban tak avangin manager nei lovin hun an hmang mek a, Michael Carrick’an a enkawl lailawk ang.

UEFA Champions League lamah erawh an che tha viau mai. Mahse, League match 12 an khelh tawh chin han en hi chuan beiseina a tlem hle thung.

Reports in an tarlan dan chuan Manchester United hian Paris Saint-Germain star Neymar Jr chu lak luh an duh niin an tarlang.

Neymar’an PSG a pan hnuah hian hliam neuh neuhin a ti buai ve reng a, match 128 khel tling tawhin goal 90 a khung mai bakah assist vawi 55 a nei tling mek.

El Nacional erawh chuan Neymar hian PSG chhuahsan tumna a nei rih lo niin an tarlang thung.

Lionel Messi a rawn luh hnu phei chuan PSG lama awm rih chu a duh zual sawt niin an sawi bawk. Hetihlai hian Kylian Mbappe hmalam hun erawh a chiang thei tak tak rih lova, Engtikniah emaw Real Madrid lamin an lak luh ngei a rinawm.

Manchester United leh player tha tak tak te sawi zawm anni, Paul Pogba pawhin Old Trafford tan game hnuhnung ber a khel tawh maithei?

Manchester United leh player tha tak tak te sawi zawm an lo ni fo tawh a, chung zingah chuan Jules Kounde, Erling Haaland leh Federico Chiesa te pawh an tel a ni.

Jules Kounde hi Chelsea nena sawi zawm anlo ni tawh a, hunrei tak atang khan fans te chuan an hre reng. Mahse, summer transfer lai khan lak luh an tumna erawh a thamral. Kounde hi club tha tamtak te duhrawn a ni.

Todofichajes in a tarlan dan chuan Manchester United shotlist zingah Sevilla defender Jules Kounde a awm thu an tarlang a, Harry Maguire thlaktu tur atan an duh niin an tarlang bawk. Kar tlemte liamta atang khan England captain Harry Maguire chungchang sawi a tam hle.

Erling Haaland pawhin Borussia Dortmund chhuahsan a rilruk a, Europe club tha tamtak ten lak luh an duh.

Cristiano Ronaldo chuan Manchester United hian Chiesa la lut se tih a duh a, Juventus lamah Chiesa nen hian hun an lo hman dun tawh avangin Ronaldo hian a duh hle niin a lang.

Paul Pogba pawh hi Real Madrid, PSG leh Juventus  te nena sawi zawm a ni a, January transfer lo awm turah hian United chhuahsan thut thei dinhmunah a ding mek. Christmas zawh hma zawng chu hliam a neih avangin a chawlh rih a ngai dawn.

source SPortskeeda

Related Posts

Leave a Reply

Your email address will not be published. Required fields are marked *

error: Content is protected !!