Man City in Sterling chu contact thar pek an tum dawn

2020 UEFA European Championship khelh zawh hunah Manchester City chuan Raheem Sterling contract pawhsei chungchang an ngaihtuah dawn niin Mail online chuan a tarlang.

Euro 2020 khelh mekah Raheem Sterling hi a che tha ang ren hle. Germany nena Round of 16 an khelhah pawh goal hmasa ber khungin, Euro 2020 khelh mekah goal 3 a khung tling der tawh a ni.

Tunah hian Sterling’an Man City-ah kum 2 daih contract a la nei mek a, tuna a hlawh chu kar khatah £300,000 a ni. Kum 2 chhung contract la nei mahse, Euro 2020 khelh zawh hian contract thar chungchang an ngaihtuah tha dawn niin an sawi.

Manchester City are ready to discuss extending Raheem Sterling's contract beyond 2023

Season khelh zawh takah khan Raheem Sterling hi duh angin a che tha vak lova, sawiseltu pawh an awm ve nuk. A bik takin UEFA Champions League final a Chelsea an hneh loh hnu khan sawiseltu an pung hle. Mahse, City lam hian Sterling chungah rinna tamtak an nei tih chu a chiang hle.

Kum 2019 kha chuan ram leh club tan a che tha hle a, Calendar year ah club leh ram tan goal 43 lai a khung tling a ni. Mahse, season khelh zawh takah kha chuan kumdang a pha lo hle.

City hian kum 2023 thleng contract nei, Gabriel Jesus, Riyad Mahrez leh Ilkay Gundogan te an nei a, tun summer transfer lo awm turah hian an chhuahtir a rinawm lo.

Tunhnai lawk khan Pep Guardiola chuan a squad chu tih thar a duh thu a sawi a, season thar inbuatsaihna atan Harry Kane leh Jack Grealish chu lak luh a tul niin a sawi.

Pep Guardiola will hope the forward can return to his best form for City next term

Source Mailonline

Related Posts

Leave a Reply

Your email address will not be published. Required fields are marked *

error: Content is protected !!