Man City in Jack Grealish an la lut hnai, Villa fans te an lungawi theilo

Aston Villa captain Jack Grealish chuan vawiin hian Manchester City a zawm dawn niin report hrang hrangin an tarlang, mahse, Aston Villa fans te an lungawi the lo.

Jack Grealish is set to complete his record-breaking £100m move to Man City TODAY

Midfielder Grealish hi Euro 2020 leh season liamtaah khan a che tha hle a, hei vang hian Manchester City chuan lak luh an duh. An sawi danah Man City hian Jack Grealish man atan hian £100 million lai an pe dawn niin an sawi a, hetiang zah an pe a nih chuan British transfer record-a man to ber a ni thei dawn a ni.

Man City leh Jack Grealish te sawi zawm annihna hi a rei tawh hle a, Sportsmail tarlan dan chuan March thla atang daih tawh khan Man City lamin Grealish hi an lo duh tawh niin an tarlang.

Villa lamin tun summer-ah hian an star man hi an chan thei dawn niin a lang, nikum September thla khan Jack Grealish hian contract thar a sign belh a ni.

Hetihlai hian Aston Villa lam pawhin Jack Grealish thlaktu tur atan player dang an la lut tawh niin an sawi, Pound 40 million man Emi Buendia leh Leon Baily te chu an la lut tawh a ni, Leon Baley hi Bayern Leverkusen atang £30 million in an la lut bawk.

Jack Grealish hian tunkar tir khan Aston Villa training a zawm tawh a, mahse, sporting director Johan Lange chuan Kum 25 a upa Jack Grealish transfer chungchang chu sawi that turah ala awm rih niin a sawi.

Zirtawpni khan City official chuan Villa hnenah Grealish man atan £100 million lai mai an offer tawh thu an sawi chhuak a, City in an la lut thei a nih chuan, Jack Grealish hian kar khatah £230,000 a hlawh thei dawn a ni.

Aston Villa captain Jack Grealish a chhuak dawn tih thuthang a len mek lai hian Aston Villa fans lam pawh an lungawi lo hle, an lungawi lohna hrang hrang te Social media lamah an au chhuah pui ve a ni.

Pakhat chuan, “Bye Grealish, tunah chuan plastic franchise i zawm dawn ta maw, kawngkhar intauh tir suh ang che, kha tah khan i che tha dawn chuang lo.” tiin a ziak.

Pakhat dang leh chuan, “Thian pa thil tha lo tak a ni, kum khat dang la awm rih turin kan sign tawh kha.” tiin a ziak ve bawk.

Fan dang leh chuan Jack Grelish chungah lungawi lohna lan tir lovin, “Man City hian football an ti hlum, Financial Fair Play pawnah an khawsa a ni” tiin a ziak ve bawk.

Hei chauh lo pawh lungawi lohna lan tirtu an thahnem hle.

Source Mailonline

Related Posts

Leave a Reply

Your email address will not be published. Required fields are marked *

error: Content is protected !!