Man City chhuahsan duh player 3 hming, Pep’an a sawi

Bernardo Silva hi Tun summer transfer window-a Manchester City chhuahsan duh player pathum zinga pakhat a nih chu Manchester City manager Pep Guardiola chuan a sawi.

Kan hriat angin Manchester City chuan Aston Villa atang Pound maktaduai 100 lai main Jack Grealish an la lut tawh a, Manchester City pawhin bul an tan tha leh dawn niin a lang.

Manchester City manager Pep Guardiola sawi dan chuan, player pahnih emaw pathum ten tun summer transfer window-ah club chhuahsan an duh niin a sawi.

Leicester City nen Community Shield match an khelh tur press conference-ah a player chhuak duh te chungchang a sawi.

“Player pahnih emaw pathum ten Manchester City chhuahsan an duh, mahse, anni chu kan player te an la ni a, offer an hmuh a, chhuah an duh chuan an chungchang sawi kan inpeih reng, mahse, anmahni duhnaah a innghat ang” tiin Pep Guardiola chuan a sawi.

Mahse, Manchester City hian eng offer mah an player chhuak duh te atang hian an la hmu rih lova, transfer deadline chu August ni 31 a la ni a, hun ala tam ang reng rih.

Kum 26 a upa Bernardo Silva hi club chhuahsan tur angin sawi a tam hle, report in an tarlan dan chuan Atletico Madrid lama insawn tur angin thuthang a awm mek.

Manchester United chhuahsan duh pahnih dang chu Aymeric Laporte leh Gabriel Jesus hi anni, anni pahnih pawh hian tun summer-ah club chhuahsan an duh a ni.

Season liamtaah khan Aymeric Laporte hi duh angin a chhawr rim vak lova, Premiere League match 16 ah a inlan thei a ni.

Chutiang bawkin Jesus pawh all competion-ah City tan match 42 inlan theiin, goal 14 a khung ve bawk. Tunah hian Juventus nena sawi zawm mek a ni.

Source SB

Related Posts

Leave a Reply

Your email address will not be published. Required fields are marked *

error: Content is protected !!