Luke Shaw khan Nak ruh tliak chungin Euro 2020 Quarter final, Semi final leh Final alo khel reng a lawm le!

Euro 2020 khelh zawh takah khan England defender Luke Shaw chu nak ruh tliak chungin a khel niin report hrang hrangin an tarlang.

England in Euro 2020 a an match hmasa ber Croatia an hmachhawn tum khan kum 26 a upa Left back Luke Shaw hi bench-ah a thu a nih kha.

Hemi hnu atang hi chuan England tan Euros game zawng zawngah a start vek, England in Euro 2020 final an thlen theihnaah pawh player che tha tak leh pawimawh tak pakhat a ni.

Euro 2020 ah England tan a chet that em avangin Brazil legend Roberto Carlos chuan quarter final a Ukraine an hmachhawn tum khan Luke Shaw chet dan a fak hle.

England lamin 4-0 lai maiin Ukraine an hneh a, second half-ah Luke Shaw chu thlak a ni.

Wembley-a Denmark an hmachhawn tum khan England chuan 2-1 in hnehna an chang, kha tihlai khan Luke Shaw hi minute 120 a khel chhuak vek.

Wembley thovah Italy chu final an khelh pui a, minutes 2 naah goal hmasa ber a khung, mahse, England chuan penalty shoot out hmangin Euro 2020 nomawi an chan ta nih kha.

The Daily Telegraph in a tarlan chuan England in round of 16 a Germany an hneh lai khan Luke Shaw chuan hliam a nei tawh niin an tarlang.

Hliam nei mahse, England tan player che tha ber pakhat a ni a, mahse, a game khelh en khan duh angin a fit tawk lo deuh chuan a lang.

An tarlan zel dan chuan a nak ruk a tliak a niin an tarlang.

Euro 2020 quarter final, Semi final leh Final te khan hliam nei chungin alo khel ve reng a nih chu. Hliam nei chungin khel mahse, a che tha hle.

Source Sportbible

Related Posts

Leave a Reply

Your email address will not be published. Required fields are marked *

error: Content is protected !!