Luke Shaw – Harry Kane hi khawvel striker tha ber a ni

Manchester United star Luke Shaw chuan England lama an captain Harry Kane chu khawvel striker tha ber a nih thu a sawi chhuak.

2020 UEFA Championship khelh mekah Harry Kane hian England tan game 2 a khel tawh a, mahse, beisei a phak loh hle, hei vang hian amah sawiseltu pawh an awm ve nuk a ni.

Mahse, England manager Gareth Southgate chuan Group D match hnuhnung bera Czech Republic an hmachhawn turah hian drop tumna a neih loh thu a sawi a, Luke Shaw pawhin Harry Kane hi England team tan player pawimawh pakhat a nih thu a sawi chhuak.

“Ngaihthat lohna engmah a awm lo. Ka tan chuan Harry Kane hi khawvel striker tha ber a ni. He team tan hian a pawimawh hle.” tiin fullback Luke Shaw chuan journalist te a hrilh niin Goal chuan a tarlang.

“Dik tak chuan, team tan a pawimawh ber. A che tha emaw thalo pawh nise, kan tan chuan a pawimawh tak zet.”

“A chet dan hi mite duh ang ni lo mahse, hetiang hi chu football tournament-ah chuan thleng thei vek a ni. Eng hunah pawh goal a khung theih bawk.”

“Pitch chhung emaw pawn lamah pawh nise player pawimawh tak a ni tho tho. A rawn kir leh ang tih hi ka ring a, ka buai lem lo.” tiin Luke Shaw chuan an captain Harry Kane chungchang a sawi.

Zanin zinglam dar 12 leh a chanve hian England chuan Czech Republic an hmachhawn dawn a, Last 16-ah an inhlangkai thei mai ang em?

Source SL

Related Posts

Leave a Reply

Your email address will not be published. Required fields are marked *

error: Content is protected !!