Liverpool History-a an player hralh chhuah man to zual top 5 te

English football history-ah chuan Liverpool hi a hlawhtling ber pakhat an ni a, Liverpool hi englai pawhin transfer market-ah an che tha thei hle. An history-ah trophy an chawi hnem ve tawh hle a, a bik takin kum tlemte liamta atang khan Liverpool hi an rawn tha chho hle a ni.

21st Century tir lamah kha chuan trophies an chawi thei hle a, mahse, tun hnuah erawh Jurgen Klopp hnuaiah an rawn inform tha chho ang reng a, kum tamtak hnuah Premiere League nomawi pawh an chawi a nih kha.

Liverpool in player tha tamtak an la lut tawh a, player tha taktak an zuar chhuak bawk. Tun tumah hian Liverpool history-a an player hralh chhuah man to zual top 5 te kan rawn tarlang ve leh dawn a ni.

5 XABI ALONSO (KUM 2009 KHAN LIVERPOOL ATANGIN REAL MADRID LAMAH €34.50 MILLION IN AN HRALH)

Alonso helped Real Madrid finish the season with a record number of points

Xabi Alonso hi tunlai midfielders tha pakhat a ni a, Liverpool player hralh chhuah man to zinga 5 na dinhmun hauhtu a ni. Spaniard hi holding midfielder angain a khel tam zawk a, Spain tan pawh a che tha ang reng hle.

A hunlai khan Xabi Alonso hian duhtu clubs tamtak a nei nual a, kum 2009 a Real Madrid in an lak luh pawh kha a mak hran lo.

Liverpool lamah tha takin a che a, hemi hnu hian Real Madrid lamah pawh a che tha hle, kha tih lai khan Pellegrini chuan Real Madrid a enkawl a, points hmuh tam lamah record thar an siam nghe nghe.

4. FERNANDO TORRES (KUM 2011 KHAN LIVERPOOL IN CHELSEA LAMAH €58.5 MILLION IN AN HRALH)

Torres scored goals for fun at Liverpool

El Nino hi a fans ten an duh hle, club history-a Liverpool striker tha ber pakhat a ni.

Atletico Madrid lamah hun duhawm tak a hman hnuin England lamah chona thar hmachhawn turin a insawn a. A bul atangin a che fuh chho hle, a club thar tan goal a khung deuh reng mai.

Kum 2011 khan Chelsea chuan pawisa tam tham tak hmangin Fernando Torres chu Stamford Bridge lamah an suan lut a ni, kha tih lai a aman chu €58.5 million lai a tling.

3 RAHEEM STERLING (LIVERPOOL ATANGIN MANCHESTER A ZAWM, A MAN CHU €63.70 MILLION A NI)

Sterling was Liverpool

Liverpool winger hlui Raheem Sterling hi Europe club zawng zawngina an duh player pakhat a ni. A naupan deuh atang tawh khan a hlut zia a lang chiang hle.

QPR youth academy atang a duhawm zia a pholang tan a, Liverpool chuan an that zia hriain Sterling hi an la lut ta a ni. England International hi Liverpool lamah a lar chak hle a, a that zia mi tamtakin an hria.

Liverpool lamah bul tan tha viau mahse, contract chungchangah harsatna neuh neuh a awm avangin Anfield a chhuahsan a ngai ta a ni. Amah duhtu zinga club pahnih te hnawlin Manchester City a thlang ta zawk.

Manchester City chuan Liverpool atang Raheem Sterling hi €63.70 million lai maiin an la lut a, kha tih lai kha chuan English player man to ber a ni hial.

2 LUIS SUAREZ (KUM 2014 KHAN LIVERPOOL ATANG €81.72 MILLION LAI MAIIN FC BARCELONA A ZAWM)

Suárez won his first European Golden Show in his last season with Liverpool

Luis Suarez hi Barcelona player tha tak pakhat a ni. Camp Nou lamah a that zia a pholang zing hle. Kum 2015 a FC Barcelona an treble lai pawh khan player pawimawh tak pakhat a ni. England lamah defender te tan buaina a nih hnuah, La Liga lamah pawh defender te tan buaina pakhat a ni, trio hlauhawm tak MSN alo ding chhuak a, khawvel trio hlauhawm ber pakhat anni.

Luis Suarez hian Premiere League season 4 lai mai Liverpool tan a khel hman a. Season tin maiin hma a sawn chho zel a, season 4 hun a hman chhungin, season khatnaah goal 4 a khung a, season hnihnaah goal 11, season thum naah goal 23 leh season li naah goal 31 lai a khung a ni. A season hman tawpna berah Premiere League Golden Boot pawh a dawng.

1 PHILIPPE COUTINHO (KUM 2018 KHAN LIVERPOOL ATANG €145 MILLION LAI MAIIN REAL MADRID A ZAWM)

Philippe Coutinho left Liverpool on a bitter note

Philippe Coutinho hi Liverpool in an player hralh chhuah tawh zawng zawng zinga player manto ber a ni. Hetihlai hian FC barcelona tan erawh an player lak luh tawh zinga an chhawr loh ber pakhat leh an lak fuh loh tak pakhat a ni.

Kum 2018 khan FC Barcelona chuan Liverpool atangin €145 million lai maiin an la lut a ni.

Source Sportskeeda

Related Posts

Leave a Reply

Your email address will not be published. Required fields are marked *

error: Content is protected !!