Lionel Messi’an Javier Mascherano record neih a nih rual pui

2021 Copa America khelh mekah Argentina chuan knockout rounds an lut tawh a, Argentina in Paraguay an hmachhawn tum khan Lionel Messi chuan record dinglai pakhat a nih rual pui a ni.

Albiceleste hian Paraguay chu 1-0 in an hneh a, goal khat thuntu hi Sevilla playmaker Alejandro Gomez a ni. He goal tih loh goal dang a khung tawh lova Argentina chuan point 3 hlu tak an hlawhchhuak a ni.

Gomez hian Paraguay defender hnung lam atangin Angel Di Maria through ball tha tak mai chu goal-ah a chan tir a ni.

Group A match hmasa ber an khelhah Chile an hmachhawn a, 1-1 in an indraw, hemi hnu hian Luis Suarez team Uruguay chu 1-0 thovin an hneh leh a, Mane Garrincha stadium-ah Paraguay chu 1-0 in an hneh leh a ni. Group A match hnuhnung berah Bolivia an hmachhawn leh ang.

Argentina superstar Lionel Messi hian a ram tan match 147 lai a khel tling ta a, ram tana khel tam ber record neitu Javier Mascherano a nih rual pui chiah a ni. Game khat dang a khelh leh chuan a khum thei mai dawn.

Bolivia an hmachhawn hunah Argentina boss Lionel Scaloni chuan a squad a thlak danglam deuh a rinawm. Group A ah hian Argentina, Chile, Paraguay, Uruguay leh Bolivia te an awm.

Tunah hian Group A table hmahruaitu chu Argentina niin point 7 an hlawhchhuak tawh. Pahnihnaah Chile awmin point 5 an hmu mek.

Source SL

Related Posts

Leave a Reply

Your email address will not be published. Required fields are marked *

error: Content is protected !!