Lionel Messi’an 2020 Ballon d’Or dawn a phu chhan Point 5

FC Barcelona superstar Lionel Messi chuan Ballon d’Or vawi 6 dawng tawhin, player zawng zawng zinga dawng hnem ber a ni mek. Ballon d’Or hi footballer che tha te hnenah pek ani thin a, mimal chawimawina award-ah chuan ropui ber leh hlu ber pakhat a ni.

Juventus superstar Cristiano Ronaldo leh Lionel Messi hian kum 10 chhung teh meuh mai Ballon d’Or an dawng a, kum 2018 khan Luka Mordric chuan an kaltluang lai a tih tawp sak a ni.

2020-21 season kha Lionel Messi enletna a ni thei ang. 2020 summer transfer lai khan Barcelona chhuahsan a duh. Mahse, Barcelona lam khan a chhuah an rem ti lova a awm chhunzawm a nih kha. Hetihlai hian a thian tha tak leh partner ni bawk Luis Suarez chuan club a chhuahsan a, amah thlahna ceremony pawh an hmang lo.

FC Barcelona tan 2020-21 season a khel chhunzawm leh a, mahse, a tih thin ang thovin a khel tha leh hle. Tunah hian Copa America 2021 a khel mek a, hetah pawh hian player che tha ber pakhat a ni. Ballon d’Or dawn leh theihna chance a nei thei dawn niin a lang.

Image
Lionel Messi (Argentina)

Sportskeeda chuan Lionel Messi’an 2021 Ballon d’Or dawn a phu na point 5 an tarlang a, kan rawn tarlang ve leh dawn a ni.

5. Lionel Messi hi 2020-21 season-ah khan Man of the Match dawng hnem ber a ni

FC Barcelona v RC Celta - La Liga Santander
FC Barcelona captain Lionel Messi

Football match khelha player che tha leh thalo enna pakhat chu Man of the Match an thlan leh thlan lohah a innghat thui hle. Lionel Messi hi kum 10 chuang FC Barcelona player pawimawh ber alo ni thin tawh a, Barcelona president thar Joan Laporta’an Messi contract pawhsei sak a tum pawh hi a mak hran lo.

2020-21 season khelh zawh tak chhung khan Lionel Messi hian Man of the Match vawi 22 lai a dawng thei a ni. Man of the Match dawng hnem ber player ani a, pahnihnaah Tottenham Hotspur striker Harry Kane awmin vawi 13 a dawng, pakhatna leh pahnihna hi an inthlau hle.

4. 2021 Ballon d’Or dawngtu tura rinkai ber a hriat loh

FC Barcelona v Juventus: Group G - UEFA Champions League
Juventus superstar Cristiano Ronaldo leh FC Barcelona superstar Lionel Messi

Kuminah hian Europe hmun hrang hrang atangin player che tha tak tak an awm nual a, nikum tun ang hunah kha chuan Ballon d’Or dawng tura rinkai ber a hriat, mahse, kuminah erawh dawngtu tura rinkai ber ala hriat tak tak theih loh.

Kan hriat angin 2020 Ballon d’Or chu Covid 19 hrileng avangin cancel a ni, 2020 Ballon d’Or kha sem thei chu nise Bayern Munich tana che tha em em Robert Lewandowski’an a dawn ngei a rinawm.

Kuminah hian Lionel Messi pawhin dawn theihna chance ala nei thei dawn a ni.

3. Lionel Messi hian Copa America khelh mekah Argentina hnehna a chan pui theihin

Bolivia v Argentina: Group A - Copa America Brazil 2021
Argentina captain Lionel Messi

Copa America 2021 khelh mekah Argentina hi team tha ber pakhat anni. Awlsam takin knockout stage-ah an inhlangkai a, Group A-ah hmahruaitu ann. Group stage match 4 an khelh atangin vawi 3 hnehna an chang a, vawi 1 draw annei.

Copa khelh mekah Messi hian a ram Argentina tan goal 3 a khung mek. Kumin Copa America nomawi a chawi thei a nih ngat chuan Ballon d’Or a dawn leh ngei a rinawm.

2. 2020 ah Lionel Messi a che ropui

FC Barcelona v Sevilla: Copa del Rey Semi Final Second Leg
Lionel messi

2020-21 season chanve vel thleng kha chu duh angin a che tha vak lo. Mahse, December thla tawp vel atang khan a rawn che tha chho tan a, Barcelona tan calendar year-ah match 29 a khelh atangin goal 28 lai a khung a, hei mai bakah assist vawi 8 a nei tling bawk.

Kum 2021-ah Barcelona chu Cope del Rey nomawi a chawi pui a, Copa America khelh mekah Argentina tan goal 3 a khung mek.

1. Lionel Messi’an La Liga Golden Boot a dawng

FC Barcelona v Ferencvaros Budapest: Group G - UEFA Champions League
Golden Boot winner

Season liamtaah khan Lionel Messi chuan FC Barcelona tan La Liga match 35 a khelh atangin goal 30 lai a khung tling a, La Liga player goal khung hnem ber niin La Liga Golden Boot a dawng. Kum 30 chuanga upa ni tawh mahse, goal khung lamah ala duailo hle.

Source Sportskeeda

Related Posts

Leave a Reply

Your email address will not be published. Required fields are marked *

error: Content is protected !!