Lionel Messi thlalakin Instagram record thar a siam

Argentina icon Lionel Messi hian football career-ah record tamtak alo siam tawh a, hnehna pawh a chang hnem tawh hle. Mimal chawimawina pawh a dawng hnem tawh a, Ballon d’Or award pawh vawi 6 lai alo dawng tawh a nih kha.

Field chhungah chauh Lionel Messi hian record a siam ani lova, Social media (Instagram) lamah pawh record thar a siam leh a ni. Kum 34 a upa Lionel Messi chuan Copa America nomawi thla a lak pui chu Instagram lamah a post a, record thar a siam.

Kan hriat angin Argentina chuan Copa America 2021 final ah Brazil an hmachhawn a, 1-0 in hnehna an chang a nih kha. Messi chuan Copa America nomawi thla a lak pui a, chu chu Instagram lamah a post, mi maktaduai 20 (20 million) laiin an like a, hei hi Instagram record thar a ni.

He a thlalakah hian caption atan, “Atna mawi leh duhawm tak a ni a, Rin phak bak a ni, ka lawm e Lalpa, kan champion ta” tiin Lionel Messi chuan caption atan a hmang.

Kum 34 a upa Lionel Messi hian Argentina tan nomawi chawi chu hunrei tak alo nghak ve tawh a, Brazil an hneh hnu khan a ram Argentina tan ngei major trophy a chawi pui thei ta a ni.

Kum 1993 hnuah Argentina in Copa America nomawi an chawi theihnaah hian Lionel Messi pawh a pawimawh hle a, Best Player Award a dawng nghe nghe. Colombia star Luis Diaz nen goal 4 ve ve an khung a, Golden Boot an dawng.

Source 90Min

Related Posts

Leave a Reply

Your email address will not be published. Required fields are marked *

error: Content is protected !!