Lionel Messi, Robert Lewandowski, Karim Benzema leh Jorginho ah te hian tu ber hian nge Ballon d’Or dawn phu ber le?

Ballon d’Or ceremony hmanna turin kar 2 vel bawr chauh a awm tawh a, Ballon d’Or ngaihtuah pawl te chuan tu berin nge football a mimal chawimawina sang ber hi dawng ta ang le tih chu ceremony-ah an puang dawn a ni. Kum 2020 ah khan Robert Lewandowski chu Ballon d’Or award dawng tura rinkai ber a ni a, Covid 19 hrileng avanin cancel lo se chuan a dawng ngei ang.

Ballon d’Or 2021 award dawng tur hian player tha dawn phu ngawi ngawi 4 an awm

Kumin Ballon d’Or zet zawng dawngtu tur thlan harsa tak a ni ngei an, dawn phu tak tak an awm nuk. Kan hriat angin Lionel Messi leh Cristiano Ronaldo chuan kum 10 liamta chhung khan an lo dawng tawh a ni.

Lionel Messi hian Ballon d’Or vawi 6 a dawng tawh a, Cristiano Ronaldo pawhin vawi 5 a dawng ve bawk. Lionel Messi hian a vawi 7 na tur atan a dawng leh mai lovang maw?

Tun tumah hian Ballon d’Or dawng tura rinkai deuh deuh player 4 te chungchang thenkhat kan rawn tarlang ve leh dawn a ni.

Jorginho (Italy/Chelsea)

Italy v England - UEFA Euro 2020: Final

Italy leh Chelsea midfielder Jorginho hian kum duhawm tak a hmang. Chelsea tana a chet that em avangin dawng tur rinkai zingah a langsar hle. Kan hriat angin Season hmasaah khan Chelsea chu UEFA Champions League nomawi a chawi pui a nih kha. Jorginho hi midfield-ah khelin a langsar thei hle.

Euro 2020 ah pawh khan a ram Italy chu a champion pui a, Ballon d’Or race-ah a rawn langsar tan hle. Jorginho hi player fing tak pakhat a ni a, a ball a fing thei hle.

UEFA Champions League hi Europe rama club inelna sang ber a ni a, chutiang bawkin European Championship pawh hi Europe ram te inelna sang ber a ni ve bawk.

Jorginho hi UEFA Footballer of the Year award a dawng hi hei hian Ballon d’Or race-ah pawh dinhmun sang tak a thlen tir kan ti thei awm e.

Karim Benzema (France/Real Madrid)

Real Madrid v Shakhtar Donetsk: Group D - UEFA Champions League

Karim Benzema pawh hi kumin Ballon d’Or ah a chungnung hle. 2020-21 season khelh zawhah khan Real Madrid tan a che tha hle a, all competion-ah match 46 a khelh atang goal 30 lai a khung a ni.

Kan hriat angin Euro 2020 ah khan French National team tan a khel a, hei hi kum 6 chhung ram tana a khelh tawh loh hnua a khelh vawikhatna a ni. Euro 2020 ah khan match 4 ah inlanin goal 4 a khung thei a ni. UEFA Nations League-ah pawh semi final leh final ah goal a khung bawk.

2021-22 season khelh mekah pawh a che tha leh hle a, Real Madrid tan all competion ah match 15 a khelh tawh atang goal 14 lai a khung leh tawh a ni.

Robert Lewandowski (Poland/Bayern Munich)

FC Bayern München v Dinamo Kiev: Group E - UEFA Champions League

Tunlai football khawvelah Robert Lewandowski hi striker tha ber anga sawi mek a ni. Season liamta atang khan a che tha hle, a bik takin goal khung lamah a duai lova, goal khung thei tak a ni. 2020 Ballon d’Or kha Covid 19 hrileng avangin cancel a ni a, cancel lo se chuan a dawng ngei ang le.

Club leh ram tan Lewandowski hian goal a khung thei em em a, 2020-21 season ah khan Gerd Muller record neih Bundesliga season khata goal khung tam ber record chu a khum a ni. Muller hian goal 40 khungin Lewandowski hian match 29 a inlan atang goal 41 lai a khung.

Lionel Messi (Argentina/Paris Saint-Germain)

Bolivia v Argentina: Group A - Copa America Brazil 2021

Lionel Messi hian a vawi 7 na atan kumin Ballon d’Or hi a dawng leh thut thei. Messi hian season tha tak a hmang han tih maitheih a ni lo, a changin a che chhe leh tho. Mahse, kum 2021 hi atan chuan thil chhinchhiah tlak tak kum a ni.

Barcelona in La Liga nomawi lak an tumnaah khan amah ngawr ngawr che tha ang a ni a, Copa del Rey nomawi an chawiah pawh khan player che tha ber pawl a ni.

Summer lai khan Copa America 2021 nomawi chu a vawikhatna atan a ram Argentina chu a chawi pui a ni. Copa America 2021 ah khan Golden Boot a dawn mai bakah Best Player of Tournament atan an thlang bawk. Match 5 a khelh atang goal 4 khungin assist vawi 5 lai a nei tling.

Summer transfer lai tho khan Messi chuan Paris Saint-Germain a zawm a, UEFA Champions League lamah che tha viau mahse, Ligue lamah erawh a che tha lem lo, match 5 a inlan tawh atangin Ligue goal ala khung thei rih lo. Ani hi Ballon d’Or 2021 dawng tur zingah rinkai ber a ni mek.

Source SK

Related Posts

Leave a Reply

Your email address will not be published. Required fields are marked *

error: Content is protected !!