Lionel Messi khelh leh na tur club a chiang em ni?

Lionel Messi’an Paris Saint-Germain a zawmna hi kar khat vel chauh liam rih mahse, a khelh lehna tur chungchangah sawi a awm leh nghal niin report in an tarlang.

Daily Mirror in an tarlan dan chuan kum 34 a upa Lionel Messi hi MLS franchise Inter Miami lamah a lut thut thei niin an tarlang a, tun hunah chauh hian Barcelona tang ni lovin, Paris Saint-Germain atang Inter Miami hi a zawm thei dawn niin an sawi bawk.

2021 Copa America winner Lionel Messi hian kar 2 liamta velah khan Catalan club lian FC Barcelona chhuahsanin French club lian PSG hi free agent in a zawm a, Barca a chhuahsan chhan pawh contract thar pawhsei sak turin Messi duh ang hlawh an pek theih loh avang niin an sawi.

Mahse, tunah hian Messi insawn leh na tur chungchangah sawi a awm leh nghal a, an sawi danah David Beckham hian Ballon d’Or vawi 6 dawng tawhtu Messi hi a be tawh niin an sawi.

Inter Miami neitu pakhat Beckham chuan anmahni tantu te hnenah engtikniah emaw chuan superstar an lak luh ve ngei a intiam a, he a intiamna hi a hlawhtlin theih ngei a rinawm, Messi leh Cristiano Ronaldo hi an langsar a, midang pawh lak luh tum zingah an tel ve bawk.

Messi ngei pawhin Miami, Florida-ah property a lei tawh thu a sawi a, hei hian Miami a hnaih tir hle tih a chiang.

Beckham partner Jorge Mas pawhin tun hnai lawk khan engtikniah emaw Messi hi Miami tana a khelh theih tur thu a sawi ve bawk.

Source Sl

Related Posts

Leave a Reply

Your email address will not be published. Required fields are marked *

error: Content is protected !!