Lionel Messi hlawh 80 Percent lai cut a ni maithei, mahse, an cut hnuah Premiere League player hlawh tam ber ai ala tam cheu

Lionel Messi’an FC Barcelona ah contract thar a sign a nih chuan a hlawh 80 percent lai maiin an tih tlem sak thut thei niin report in an tarlang.

Kum 34 a upa Lionel Messi hi tunah hian free agent in ala awm mek a. Mahse, Spanish club lian Barcelona hian an club ah la awm tir rih an duh niin an sawi.

Covid 19 hrileng avangin Barcelona pawh hian sum lamah harsatna an tawk ve deuh niin alang.

An player hlawh thenkhat an tih hniam sak mai bakah, an player duh vaklo te an chhuah tir zungzung bawk.

The Athlete in an tarlan dan chuan FC Barcelona hian an superstar hi an la awm tir rih duh a nih chuan a hlawh an tih hniam sak ngei a ngai dawn niin an sawi

Lionel Messi hian kar khatah £2.4 million a hlawh a, 80 percent lai mai an cut chuan, karkhata a hlawh tur chu £480,000 a ni ang.

Hetiang zat chauh hlawh dawn mahse, Premiere League player hlawh tam ber Manchester City star Kevin De Bruyne ai pawhin a hlawh hnem zawk dawn a ni.

Belgian star De Bruyne hian kar khatah £385,000 a hlawh.

Premiere League player hlawh hnem pahnihna Man City goalkeeper David de Gea hian kar khatah £370,000 a hlawh ve bawk.

Arsenal striker Pierre-Emerick Aubameyang hi Premiere League player hlawh hnem pathumna ani a, kar khatah £350,000 a hlawh ve bawk.

Leo Messi hi alo hlawh hnem khawp mai.

Source The Sun Football

Related Posts

Leave a Reply

Your email address will not be published. Required fields are marked *

error: Content is protected !!