Kylian Mbappe hnenah Liverpool chu atan a that ber thu hrilh a ni

Emmanuel Petit chuan Kylian Mbappe hnenah Premiere League club Liverpool chu atan a that ber thu a hrilh a, mahse, Paris Saint-Germain hi a hlawhtlin theihna hmun leh a tum ram thlen theihna hmun a nih avangin chhuahsan erawh tullo a ti.

Kylian Mbappe’an Paris Saint-Germain lama contract a neih hi nakum summer-ah a zo dawn a, Parc des Princes-ah hian Contract thar chungchang sawi ala awm rih lo. Real Madrid leh Liverpool hi kum 22 a upa Mbappe la lut tum anga sawi anni mek. Emmanuel Petit chuan Jurgen Klopp team Liverpool hi Frenchman tan a that ber thu a sawi.

“Kylian Mbappe hian Paris Saint-Germain-ah hian kum khat daih contract ala nei mek a, contract ala sign rih lo. PSG sporting director Leonardo hian a thlem deuh niin a lang. Mahse, Mbappe hian thil tum sang tak a nei a, football-ah hian targets tamtak a neih te ti hlawhtlin a duh.” tiin Petit chuan a sawi.

“Club leh PSG atang signal engemaw tak hmuh a duh, PSG chuan Sergio Ramos a la lut tawh a, Achraf Hakimi pawh an la lut tawh bawk. Italy goalkeeper Gianluigi DOnnarumma pawh an lak luh thuai a rinawm. PSG in player tha tamtak an lak luhna hnuhnung ber kha ka hre thei tawh lo.”

“Heng an player lak te hi player tha taktak anni a, leadership nei tha tak anni bawk. Hei hi PSG mamawh tak a ni. Mbappe hian kumin nghah phawta nakum lam a free a chhuah a tum a nih chuan pressure sang tak a wm ngei ang tih chu a hria, a bik takin Euro 2021 a a chet chhiat em avangin” tiin a sawi bawk.

Source 90min

Related Posts

Leave a Reply

Your email address will not be published. Required fields are marked *

error: Content is protected !!