‘Kum khat chhung number 8 hi ka nghak tawha, kum khat dang ka nghah leh a ngai dawn’ – Bruno Fernandes

Kan hriat angin Manchester United midfielder Juan Mata chuan Old Trafford-ah kum khat dang contract a pawtsei a, hemi hnu hian Bruno Fernandes chuan fiamthuin United jersey number 8 ha turin kum khat dang ka nghah leh a ngai dawn tiin a sawi.

Juan Mata leh Bruno Fernandes

Red Devils lam chuan Friday khan Juan Mata’an kum khat dang contract a sign thu an confirm a, thla hmasa a zawh rual khan United lama a contract neih pangai chu a zo ve a ni. Bruno Fernandes hian Sporting Lisbon tana a khelh lai khan Jersey number 8 a ha a, a number hak thin Jersey number 8 ha leh tur chuan kum khat dang a ngah leh a ngaih thu a sawi a, Mata chuan phurna nasa tak a pek thu a sawi tel bawk.

‘”Number 8 ha turin kum khat dang ka nghah leh a ngai dawn tih ka sawi.” tiin Bruno Fernandes chuan Twitter lamah a tweet. “Unaupa ka lawmpui lutuk che, i phu hliah hliah, field chhungah emaw pawnah pawh nise, mi zawng zawng te entawn leh phurna petu ber i ni.” tiin a tweet bawk.

Juan Mata

Bruno Fernandes hian Manchester United jersey number 18 a ha mek a, Kum 2020 January thla khan Sporting Lisbon atangin Ole Gunnar Solskjaer team a zawm a, heta tang hian Man Utd player pawimawh tak pakhat a rawn ni chho. Kum 2014 khan Juan Mata chuan Chelsea atangin Man Utd hi a zawm a, all competion-ah Man Utd tan 273 khel tawhin goal 41 lai a khung tling tawh a ni.

Bruno Fernandes (18)

Manchester United lama hun a hman chhung hian Trophy 4 a chawi tawh a, chungte chu Europea League title, FA Cup, Carabao Cup leh Community Shield te hi a ni.

Manchester United chuan an official website-ah Mata contrac thar an pek chungchang post in, Old Trafford-ah hian 2020 June thla thleng hun a hman tur thu an post bawk.

Source 90Min

Related Posts

Leave a Reply

Your email address will not be published. Required fields are marked *

error: Content is protected !!