Kum 34 chung lam, footballer hlu zual Top 5

Tunlai football khawvela an uar pakhat chu kum upat lama that hi a ni, player thenkhatte chu kum 34 a nih lai vela football chawlhsan tum an awm ve nuk bawk. Hei hi a chhan chu tunlai football-ah hi chuan rawlthar player tha tak tak leh in fit tak te an mamawh vang a ni.

Nimahsela, player thenkhatte chu kum 30 chunglam kai tawh mahse, an che tha chhunzawm zel a, top level-ah an la awm tiin kan sawi thei ang. Kum tamtak experience an lo neih tawhna avang te hian club emaw ram in a hmang tangkai thei hle.

Tun tumah hian kum 34 ral kai tawh player hlu zual top 5 te kan rawn tarlang ve leh dawn a ni.

5 Keylor Navas | £10.3 million

Keylor Navas celebrates a goal with Real Madrid in the UEFA Champions League Final.

Keylor Navas hi a generation-ah chuan goalkeeper tha ber pakhat a ni. Costa Rican mi niin kum 2011 vel atang tawh khan a rawn lar chho tan a, a career bul tanna pawh La Liga club Levante atang a ni.

2014 FIFA World Cup-ah khan a che tha hle a, Real Madrid chuan an la lut nghal. Real Madrid lama a awm chhungin trophies lian tak tak a chawi nual. UEFA Champions League nomawi vawi a chawi mai bakah kum 2017 khan La Liga nomawi a chawi bawk.

Kum 34 a upa Keylor Navas hi kum 2019 khan Paris Saint-Germain lamah a insawn a, PSG ah chian League title nomawi pakhat a chawi mai bakah Champions League runner up a nih pui.

Tunah a hlutna hi £10.3 million a ni a, Costa Rica atanga player chhuak tawh zinga tha ber pakhat a ni. Season tharah pawh hian club tha tak pakhat tan ala khel chhunzawm rih dawn niin a lang.

4 Luis Suarez | £13 million

Luis Suarez during a training session with Atletico Madrid

Luis Suarez hian career ropui tak a nei a,  League titles 6 leh UEFA Champions League nomawi 1 a chawi tawh a ni. Groningen, Eredivisie atanga bul tanin, kum 2010 khan Liverpool chuan an a la lut. Liverpool in an lak luh hma hian Ajax ah season 4 lai hun a hmang hman a ni.

Kum 34 a upa Suarez hi Premiere League club Liverpool-ah khan season 4 a khel a, Liverpool lama hun a hman chhung khan a mimal takin a che tha ang reng hle. Mahse, Liverpool a awm chhungin major trophy erawh a chawi lo, kum 2014 khan Liverpool chhuahsanin FC Barcelona a zawm a ni.

Kum 6 chhung teh meuh mai FC Barcelona-ah hun a hmang a, FC Barcelona a awm chhung khan League nomawi 4 leh Champions League nomawi pakhat a chawi hman a, Neymar leh Lionel Messi te nen inkawpin an che tha hle.

Kum 2020 summer transfer lai khan Atletico Madrid chuan an la lut a, mi tamtak a barakhaih hle a nih kha. Atletico Madrid lama a insawn season khatnaah 2020-21 La Liga title a chawi leh nghal. A la che tha chhunzawm zel.

3 Manuel Neuer | £15.5 million

Manuel Neuer of Bayern Munich in a UEFA Champions League game.

Kum 10 vel liamta atang khan Manuel Neuer hi Bayern Munich leh Germany tan a pawimawh hle a, regular taka hman a ni.

Club leh ram tan career ropui tak a nei a, Neuer hian a khelh tawhna major competion hrang hrangah hnehna a chang vek tep a ni. A generation-ah goalkeeper tha ber pakhat anga sawi a ni bawk. League titles 9, UEFA Champions League nomawi 2 leh FIFA World Cup nomawi a chawi tawh a ni.

A khelh hmasak berna club chu Schalke niin, kum 2005 khan Bayern Munich in Neuer hi an la lut a, kum 35 a upa hian Bundesliga title 9 lai a chawi tawh a ni. A mimal takin a che tha thei hle, Europe club tha hrang hrang ten duh mahse, Bavarian club lian tan a la awm tang tang.

Tunah pawh hian a la tha vet vet hle a, a glove a la khai rih dawn lo niin a lang.

2 Cristiano Ronaldo | £38.7 million

Cristiano Ronaldo celebrates a goal during his time with Real Madrid/

Cristiano Ronaldo hi football history a player ropui ber pakhat anga sawi a ni. Kum 2002 vel atang khan a rawn lar chho tan a. Career ropui tak a nei, ram hrang 3 atangin league nomawi chei thei awm chhun a ni.

Football history-ah UEFA Champions League nomawi vawi 5 chawi thei awm chhun a ni a, mimal record tamtak a siam bawk. Kum lamah pawh upa tawh mahse, goal khung lamah erawh a duai lo hle.

Kum 2003 khan Manchester United chuan C Roanldo hi an la lut a, Real Madrid a zawm hma khan Old Trafford-ah season 6 chhung hun a hmang. Los Blancos-ah kum 9 hun a hman hnuah Italy club lian Juventus chuan £86 million lai maiin an la lut leh a ni, hei hi kum 30 a kai tawh hnua a man chu a ni.

Juventus lamah pawh hian a la duai lo hle, kum 2018 khan Juventus a zawm a, League title 2 a chawi pui leh tawh a, season liamtaah khan golden boot a dawng bawk.

Tuna a hlutna chu £38.7 million lai a tling.

1 Lionel Messi | £68.8 million

Lionel Messi celebrates after scoring for FC Barcelona in La Liga.

Football history-a player ropui ber pakhat a ni, Lionel Messi hi tun tumah a hlu ber a, amak hran lo.

Lionel Messi hi kum 2004 atang khan Barcelona tan a inlan tan a, tunah hian season 17 lai mai Blaugrana ah hian hun a hmang tawh.  Kum 34 a upa Lionel Messi hian La LIga nomawi vawi 10 a chawi tawh a, UEFA Champions League nomawi vawi 4 leh Copa de Rey trophies vawi 7 lai a chawi bawk.

Mimal tak pawhin award a dawng hnem tawh a, footballer mimal chawimawina sang ber Ballon d’Or vawi 6 dawng tawhin history a dawng hnem ber a ni.

Tuna a hlutna hi  £68.8 million lai a ni.

Source Sportskeeda

Related Posts

Leave a Reply

Your email address will not be published. Required fields are marked *

error: Content is protected !!