Kum 2021 chhunga Goal Khung Hnem Ram Top 10

International football an khel tam tulh tulh a, an serious tulh tulh bawk. Nakum lamah World Cup khelh a ni dawn bawk nen, ram hrang hrang te pawh an tang hlawm hle.

Kan hriat angin international football aiin club football hian fans te thinlungah hmun a luah khat zawt a, hei hi fans tam zawk te chuan an complaint ve thin a ni. Engpawhnise, tun tumah hian kumin 2021 chhunga goal khung hnem ram top 10 te kan rawn tarlang ve leh dawn a ni.

10 Belgium – 39 goals

Finland v Belgium - UEFA Euro 2020: Group B

Roberto Marinez leh aho te hian Estonio chu 3-1 a an hneh hnuin FIFA World Cup Qatar khel thei turin an inhlangkai thei a, Euro 2020 ah rilru na takin an awm a, fresh lakna hun tha tak a ni ngei ang. Kan hriat angin Euro 2020 ah khan champion tura rinkai ber anni a, mahse, quarter finals-ah an tla hlauh a nih kha.

2018 FIFA World Cup-ah khan pathumna dinhmun an hauh a, an history bikah an thlen san tum ber a ni. Qatar lamah chuan final thlen ngei an tum ruh hle ang, tunah hian FIFA Rankings ah an sang ber a, hei vang pawh hian an tang zual sauh dawn a ni. Kumin chhungin Euro, Nations League leh World Cup qualifiers match an khel a, an khelh atang goal 39 lai an khung tling.

9 Panama – 40 goals

Panama v Tunisia: Group G - 2018 FIFA World Cup Russia

CONCACAF World Cup qualifiers atang an khel a, tunah hian an group bikah palina dinhmun an hauh. Kumin 2021 ah hian Gold Cup leh World Cup Qualifiers match an khel a, games 19 an khelh atang goal 40 lai an khung tling a ni. An player thenkhatte goal khung lamah experience an nei tha ang reng.

8 Algeria – 40 goals

Algeria v Portugal: Men's Football - Olympics: Day 5

Africa team atanga lang awm chhun anni. Kumin 2021 chhungin games 11 an khel a, goal 40 lai an khung. Algeria hi an tha ang reng a, tunah hian CAF World Cup qualifying group ah hneh theih an la ni lo. Europe lama khel player tha annei nual, Riyad Mahrez, Said Benrahma, Islam Slimani leh Ismael Bennacer te hi an langsar.

7 Japan – 41 goals

Japan v Australia - FIFA World Cup Asian Qualifier Final Round Group B

African team ang thovin goal khung tam lamah Asia team atang Japan chiah hi an lang ve a ni. Japan hian kumin 2021 hian Asian qualifiers chiah an khel a, March thla khan Mongolia chu 14-0 lai maiin an hneh a ni. Hei mai a ni lo Myanmar pawh 10-0 lai maiin an hneh bawk.

6 USA – 43 goals

Mexico v United States: 2022 World Cup Qualifying

Football khawvelah USA pawhin hma an rawn sawn chho hle, player talent nei tha tak tak an awm ve nuk tawh mai. Kumin kum 2021 chhungin competions hrang hrangah goal 41 lai an khung thei.

5 Denmark – 45 goals

England v Denmark - UEFA Euro 2020: Semi-final

Denmark pawh hian hma an sawn hle, Euro 2020 ah pawh khan Semi final an thleng a nih kha. Kuminah match 18 khelin goal 45 lai an khung.

4 Netherlands – 46 goals

Netherlands v Gibraltar - 2022 FIFA World Cup Qualifier

Games 16 an khelh atang goal 46 an khung.

3 Germany – 50 goals

Armenia v Germany - 2022 FIFA World Cup Qualifier

Game 16 atang goal 50 an khung.

2 England – 51 goals

England v Andorra: 2022 FIFA World Cup Qualifier

Match 19 atang goal 51 an khung.

1 Canada – 55 goals

Panama v Canada: 2022 World Cup Qualifying

Kumin chhunga goal khung hnem ber ram chu Canada hi anni a, match 19 atang goal 55 lai an khung.

Source SL

Related Posts

Leave a Reply

Your email address will not be published. Required fields are marked *

error: Content is protected !!