Kum 2020 atanga Goalkeeper Clean sheets nei tam zual Top 5

Tun tumah hian kum 2020 atanga clean sheet nei hnem zual goalkeeper 5 te kan rawn tarlang ve leh dawn a ni.

5 Thibaut Courtois (Belgium/Real Madrid) – 42 clean Sheet

FC Barcelona v Real Madrid CF - LaLiga Santander

Thibaut Courtois hi kum 10 liamta vel atang khan khawvel goalkeeper tha ber pakhatah a rawn inchhuah a ni. Kum 2011 khan Chelsea chuan Genk atangin an la lut a, hemi hnu hian Atletico Madrid lamah season 3 chhung loan in a khel.

Atletico Madrid lama a khelh chhung pawh hian hma a sawn hle a, Chelsea chuan kum 2014 khan an la let lehin, Chelsea goalkeeper tha ber pakhat a ni. Belgium tan kum 10 dawn tep chu first choice goalkeeper alo ni tawh. Kum 2018 khan a dream neih ti hlawhtling turin Real Madrid chuan an la lut a, Real in an lak luh atang first choice goalkeeper ala ni reng rih.

A san zawng hi feet 6 leh inchi 7 niin, goalkeeper sang tak, tihsual nei vak lo a ni. Kum 2020 atang khan club leh ram tan match 100 a inlan atang clean sheet vawi 42 lai a nei tling mek.

4 Yassine Bounou (Morocco/Sevilla) – 42 clean sheets

Real Valladolid CF v Sevilla FC - La Liga Santander

Yassine Bounou hi tunlai football khawvela che tha tak pakhat a ni. Kum 30 a upa ni tawh mahse, Sevilla tan season 2 liamta vel atang khan a che tha hle.

Kum 2020 atang khan club leh ram tan match 76 a inlan atangin clean sheet vawi 42 lai a nei tling mek.

3 Jan Oblak (Slovenia/Atletico Madrid) – 43 clean sheets

Atletico Madrid v FC Porto: Group B - UEFA Champions League

Kum 5 liamta vel atang khan Jan Oblak hi khawvel goalkeeper tha ber anga sawi a ni. Atletico Madrid in 2020-21 La Liga nomawi an chawi theihnaah pawh kum 25 a upa Oblak hi a pawimawh hle.

Kum 2020 atang club leh ram tan match 97 inlan tawhin clean sheet vawi 43 lai a nei tling a ni.

2 Edouard Mendy (Senegal/Chelsea) – 43 clean sheets

Chelsea FC v Malmo FF: Group H - UEFA Champions League

Kum 2019 khan Chelsea chuan Athletic Bilbao Goalkeeper Kepa Arrizabalaga chu a release clause zawng zawng nen €80 million laiin an la lut a, mahse, Spaniard hi Stamford Bridge lamah duh ang leh beisei angin a che tha lo hle. Amah thlaktu tur an zawng hma hle.

Kum 2020 summer transfer laiin Chelsea chuan Edouard Mendy hi an la lut a, Senegalese international hi Blues tan a che ropui tak zet, rei vak lovah first choice goalkeeper a ni nghal.

Kum 2020 atang khan ram leh club tan match 79 inlanin clean sheet vawi 43 lai a nei tling mek.

1 Ederson Moraes (Brazil/Manchester City) – 47 clean sheets

Manchester City v Crystal Palace - Premier League

Manchester City chuan Edeson Moraes hi kum 2017 khan Benfica atangin an la lut a, an la fuh ang reng hle. A man hi €40 million chauh a ni. Tunlai goalkeeper tha ber pakhat a ni mek bawk.

Kum 2020 atang khan club leh ram tan match 88 a inlan atangin clean sheets vawi 47 lai a nei tling a, nei tam ber a ni mek.

Source SK

Related Posts

Leave a Reply

Your email address will not be published. Required fields are marked *

error: Content is protected !!