Khawmualpui (Continents) hrang hrang atanga Players tha 5 te

Football hi global sport a ni a, khawvel hmun hrang hrangah hian football fans tamtak hmuh tur an awm a ni. Khawvel infiamnaah chuan ropui ber leh lian ber pakhat a ni a, tun summer-ah khan continental tournament pahnih kan en a nih kha.

Euro 2020 leh Copa America 2021-ah khan khawvel team tha ber ber te an khel deuh vek a. Hetihlai hian player tha tak tak te pawh kan hmu teuh a ni.

Tuna a lan danah chuan European club football hi hmuhnawm ber pakhat leh hlu ber pakhat ang hmuh a ni, khawvel footballer talent nei tha tak tak te chhuahna hmunpui ani kan ti thei bawk ang. Engpawhnise, tuntumah hian khawmualpui (continents) hrang hrang atanga player tha zualte kan rawn tarlang ve dawn a ni, Australia leh Asia khawmualpui erawh hmunkhata chhiar a ni.

5 Asia/Australia – Son Heung-Min (South Korea/Tottenham Hotspur)

Tottenham Hotspur v Manchester City - Premier League

Kum tlemte liamta atang vel khan Son Heung Min hi Premiere League forwards tha ber pakhatah a rawn inchhuah a. South Korean internatonal Son hi Tottenham lamah Harry Kane nen an inkawp fuh ang reng hle, Premiere league season duhawm tak an lo hmang dun tawh thin a ni.

Son hi technique dangdai tak neimi leh ball thiam tak a ni. Kum 29 a upa Son Heung Min hian season liamtaah khan Tottenham tan all competions-ah match 51 lai khelin goals 22 a khung mai bakah assists vawi 17 lai a nei tling a ni.

Australia leh Asia player tha ber pakhat a ni. A ram South Korea tan match 93 a khel tling tawh a, goals 27 a khung mai bakah assist vawi 17 a nei tling bawk.

4 North America – Christian Pulisic (United States/Chelsea)

Arsenal v Chelsea - Pre Season Friendly

Christian Pulisic hi talent nei tha tak a ni a, mahse, 2020-21 season erawh hliam neuh neuhin a ti buai avangin duh angin a che tha lem lo. Chelsea attacking line ti phuisuitu pakhat a ni a, a mak lem lo. Kum 22 a upa hian kum 2019 khan Borussia Dortmund atang Stamford Bridge lamah a insawn a, stamford bridge lamah ngainat a hlawh hle.

Chelsea tan all competion-ah match 79 a kheh tawh atangin goal 18 a khung mai bakah assist vawi 14 a nei tling tawh a ni. A nickname pawh hi Captain America tih hial a ni. North America player tha ber pakhat a ni.

3 Africa – Mohamed Salah (Egypt/Liverpool)

Norwich City v Liverpool - Premier League

Mohamed Salah hi Egyptian king tia hriat lar a ni, Season 4 lai mai Liverpool tan a khel tawh a, Liverpool in UEFA Champions League nomawi leh Premiere League nomawi an chei theihnaah khan player tangkai ber pakhat a ni.

Liverpool tan all competion ah match 204 lai khel tling tawhin, goals 126 a khung tawh mai bakah assist vawi 49 a nei tling tawh. Season thar an tan leh hnu pawh hian assist vawi 2 nei tawhin goal 2 a khung leh nghal.

2 Europe – Robert Lewandowski (Poland/Bayern Munich)

FC Bayern Munich v SSC Napoli - Pre-Season Match

Robert Lewandowski hi player goal khung thei tak pakhat a ni, 2020-21 season-ah khan goals 41 lai a khung a, tunah hian Gerd Muller record ding lai chu a khum a ni. Bundesiga season match 38 atanga goal 40 khung thei pakhat a ni.

Bayern Munich tan match 331 a khelh tawh atangin goals 297 lai khung tawhin, assist vawi 65 a nei tling tawh. A ram Poland tan all competion ah goal 69 a khung a, assist vawi 23 a nei bawk.

1 South America – Lionel Messi (Argentina/Paris Saint-Germain)

Lionel Messi - Presentation at Paris Saint-Germain

Lionel Messi hi South America player tha ber a ni mai bakah khawvel player tha ber pakhat a ni. A chanchin chu kan hre theuh tawh awm e.

Source Sportskeeda

Related Posts

Leave a Reply

Your email address will not be published. Required fields are marked *

error: Content is protected !!