Kevin de Bruyne’an model chhelo tak nupui atan a neih theih dan a sawi

Kum 2015 khan Manchester City chuan Wolfsburg atangin kum 29 a upa Kevin de Bruyne hi £55 million in an la lut a, Man City-ah hian a hlawhtling ang reng hle.

De Bruyne hian Man City chu Premiere League nomawi 3, League cup 5 leh FA Cup nomawi a chawi pui tawh a, heng nomawi an chawi theihna kawngah hian a pawimawh hle.

Man City playmaker De Bruyne hi a mimal zawng tak pawhin a hlawhtling hle a, PFA Player Player of the Year vawi 2 dawng tawhin 2019-20 season khan Premiere League Player of the Season atan thlan a ni bawk.

Football lamah hlawhtling viau mahse, Belgium international hian nupui hmeltha tak, Michele De Bruyne a neih theihna kawngah pawh a hlawhtling hle niin a sawi.

De Bruyne chuan a nupui kum 27 a upa nena an love story sawi chhuakin, Werder Bremen lama a khelh laiin an intawng niin a sawi.

“Ani hian engkimah min puih a ni, min puih lo se chuan tun ang dinhmun hi ka thleng lo maithei” tiin Wolfsburg player hlui De Bruyne chuan a sawi.

“Kan intawn dan hi stroy duhawm tak a ni a, han sawi chhuah mai hi ka tim deuh. Mahse, rilru dik pu turin ka ngen a che u. A nuihzatthlakna pawh a awm mai thei.”

“Twitter lama thil ka tweet tirh kha chuan, followers sangkhat leh tih vel chauh ka la nei a, a chhan chu Werder Bremen-ah loana ka khelh vang a ni. Match chungchang emaw thildang pawh ka tweet ve ziah thin a, he hmeichhe hmeltha tak hian a lo duh fal thei hle.”

“Kha tih lai khan ka single a, ka thiante chuan lo hriain, hmeichhe hmeltha tak a ni tiin min hrilh a, message thawn rawh tiin min hrilh bawk.”

“Ni lo e, mite hian min duh loang, ka message te a chhang lo palh ang” tiin ka sawi nghal.

“Mahse, ka thianpa chuan ka phone min chhuh a, message a type nual, a message type chu min hmuh tir a, send hi ka hmet dawn em? tiin a sawi.”

“Mahse, a lawmawm hle, ka tan message a thawn ta a, ka message chu a rawn chhang let ngei. Thla khat 2 vel chu text hmangin kan inchat thin a, hmeichhe pakhat ka neih tawh chinah chuan ka tan thil tih hi a awlsam em em zel a, ka tha chho ve zel.”

“Thil mawi tak a ni, ani hian ka nunah thil tamtak a thlak danglam a, dik tak chuan, a tel lo hian thil tih tur engmah ka hre lo.”

De Bruyne leh Michele te hi kum 2014 atang khan an relationship a intan niin an sawi ta, kum 2016 khan fapa duhawm tak Mason Milian De Bruyne chu an nei a ni.

Kum 2018 khan fapa pahnihna tur Rome De Bruyne chu nei lehin, kum 2020 khan fanu hmasa ber tu Suri De Bruyne chu an nei leh bawk.

De Bruyne chuan a engkim ka tan a hlan tiin a sawi.

“Kum 19 chauha upa a nih lai khan ka tan engkim hlan a inhuam a, ka bulah a awm, ka duhthusam te a hlawhtlin theih nan min zui a ni.” tiin a sawi bawk.

Related Posts

Leave a Reply

Your email address will not be published. Required fields are marked *

error: Content is protected !!