July 2020 a Khawvel Player hlu zual Top 10 te

2020/21 football season chu a zo tawh a, tun atanga thla tlemteah 2021/22 season chu tan a ni leh dawn.

Tunah hian Summer Transfer hun hman mek a ni, club thenkhatte chuan sum tam tham tak sengin player tha an la lut nual tawh a. Transfer tawp hmain club thenkhatin player tha an lakluh belh zel a rinawm.

Kum dang angin kuminah hian club lian te pawhin sum an hman tam vak a ribawm lo, a chhan chu tunlai hrileng avang hian sum lamah harsatna an tawk ve theuh a, an player duh ngawih ngawih pawh an la lut thei dawn lo.

Transfermarkt chuan July 2020 a khawvel player hlu zual Top 10 te a tarlang a, kan rawn tarlang ve leh dawn a ni.

10 Bruno Fernandes (Manchester United) | €90 million

Euro 2020 ah Portugal tan duh angin che tha vak lo mahse, Bruno Fernandes hi khawvel midfielder tha ber pakhat a ni.

January 2020 khan Sporting Lisbon atangin Man Utd a zawm a, Man Utd XI a pawimawh ber pakhat a ni. Season khelh zawh takah khan Premiere League match 35 a start atanh goal 18 a khung mai bakah assist vawi 12 a nei tling.

9 Frenkie de Jong (Barcelona) | €90 million

Bruno Fernandes ang lo takin Frankie de Jong hi Euro 2020 atanga an tlak hma khan midfielder tha ber pakhat a ni.

2020/21 Season khan FC Barca tan La Liga match 35 start in goal 3 a khung mai bakah assist vawi 4 a nei tling. Fc Barca chu Copa del Rey nomawi a chawi pui bawk. Tunah hian kum 24 a uoa chauh a ni a, hmalam hun eng tak a nei.

8 Neymar (Paris Saint-Germain) | €100 million

Neymar’an Paris Saint Germain a zawm hnuah a hlim hle niin a lang. Kum 2025 thleng daih tur contract a sign leh a ni.

2020/21 season kha chu duh angin PSG an che tha lo, Ligue 1 table ah pahnihna anni. Mahse, Neymar erawh a che tha ang reng, League match vawi 15 a start atangin goal 9 a khubg a, assist 5 a nei.

7 Kevin De Bruyne (Manchester City) | €100 million

Kevin de Bruyne hi tunlai khawvela midfielder tha ber anga sawi mek a ni. A game khelh apiangah quality a neih that zia a hriat zel.

Euro 2020 ah pawh khan a khek tha tak zet. 2020/21 season khelh zawh takah khan league match 23 start in goal 6 khungin assist 12 lai a nei tling.

6 Romelu Lukaku (Inter Milan) | €100 million

Romelu Lukaku hi khawvel striker tha ber pakhat a ni. Manchester United lama a chet dan kha hriatthiam a har hle a, mahse, Inter Milan lamah erawh a che tha hle.

Serie A match 32 a start atangin goal 24 a khung a, assist vawi 11 lai a nei tling.

5 Mohammed Salah (Liverpool) | €100 million

Mohammed Salah hi Liverpool leh Jurgen Klopp player pawimawh tak pakhat a ni.

Kum 2017 khan Roma atangin Liverpol a zawm a, tunah chuan khawvel player tha ber pakhat a ni tawh.

2020/21 Premiere League match 34 a start atangin goal 22 a khung mai bakah assist vawi 5 a nei tling.

4 Jadon Sancho (Manchester United) | €100 million

3 Harry Kane (Tottenham Hotspur) | €120 million

2 Erling Braut Haaland (Borussia Dortmund) | €130 million

1 Kylian Mbappe (Paris Saint-Germairn) | €160 million

Source Sportskeeda

Related Posts

Leave a Reply

Your email address will not be published. Required fields are marked *

error: Content is protected !!