Jose Mourinho’an Newcastle United a hnawl chhan a sawi

Roma manager Jose Mourinho chuan English club Newcastle United a hnawl chhan a sawi.

Kan hriat angin Magpies lamin neitu thar an neih hnuah manager hrang hrang tha tak tak nena sawi zawm nghal anni a, manager sawi zawm hrang hrang zingah Jose Mourinho pawh a tel ve a ni.

Nilaini khan Newcastle United chuan an head coach nilai Steve Bruce chu an ban a, a aiawh tur an zawng nghal char char niin a lang tun thlengin coach thar an la hmu rih lo niin a lang.

Mourinho hian Italy lamah kum 3 chhung teh meuh mai contract ala nei a, hei vang hian Newcastle United manager nih chu a chak lem lo niin a lang.

“Teuh lo mai” tiin Jose Mourinho chuan Sky Italy a hrilh.

“Kum 3 tan contract ka sign a, he club chhuahsan tur hian eng thil mah ala awm lo a ni.” tiin a sawi bawk.

Tunah hian Roma chu Seria A table-ah palina dinhmun an hauh mek a, match 8 an khelh atangin point 15 an hlawhchhuak tawh a, game 5 hnehna an chang a, vawi 3 an tlawm tawh a ni.

Jose Mourinho team Roma chungah hian Point 17 hmu Inter Milan, Point 22 hmu AC Milan leh Point 24 hmu Napoli an awm ve bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!