Jose Mourinho’an England XI Euro Squad a thlang, Rashford erawh a tello

Jose Mourinho chuan 2020 UEFA European Championship khelh mai tur ah, England Starting XI a sawi a, Manchester United lama a enkawl Marcus Rashford leh Luke Shaw erawh England starting XI ah hian a telh lo a ni.

Tun hnaia talkSPORT nen interview an neihnaah Roma manager thar Mourinho chuan Gareth Southgate enkawl atangin a player duh 11 a thlang.

Kum 58 a upa Jose Mourinho hian Manchester United player 1 chiah England Starting XI ah hian a thlang a, chu chu Dean Henderson chiah hi a ni. Chelsea left back Ben Chilwell chu Luke Shaw aiin a thlang zawk bawk. Mourinho’an United a enkawl lai khan Luke Shaw hi a che tha vak lo.

Harry Maguire hian hliam a neih avangin Mourinho chuan Tyrone Mings chu a thlang a, a partner atan Manchester City defender John Stone a thlang bawl. Tottenham star Kyle Walker pawh Right back tan a thlang tel a ni.

Midfield ah hian player pahnih a dah a, Tottenham boss hlui hian Leed United holding midfielder Kalvin Phillips chu thlangin, a kawppui atan West Ham star Declan Rice a thlang tel bawk. Liverpool Captain Jordan Henderson erawh Mourinho XI ah hian a tello.

Attack vei lam sir atan Jack Grealish a thlanga, United lama a player hlui Marcus Rashford erawh a thlang lo.

Attacking midfielder ah Chelsea rawlthar Mason Mount chu a thlang a, righ attack lamah Phil Foden awmin centre attack ah Harry Kane a awm.

Source SL

Related Posts

Leave a Reply

Your email address will not be published. Required fields are marked *

error: Content is protected !!