Jose Mourinho’an Christian Eriksen a ngaihtuah

Tottenham Hotspur boss hlui Jose Mourinho chuan a player hlui Christian Eriksen harsatna tawh chungchangah a tawrhpui zia leh a thinlung a deh dan a sawi. Kan hriat angin 2020 UEFA European Championship-a Denmark game hmasa berah khan Eriksen’an cardiac arrest avangin a tlu a nih kha.

Mourinho leh kum 29 a upa Eriksen hi Spurs lamah an awm dun tawh a, January 2020 transfer window inhawn lai khan Eriksen chuan Inter Milan a zawm a ni. Eriksen’an Spurs a chhuahsan lai hi, Jose Mourinho’an Tottenham a enkawl atanga thla hnihna a ni.

Euro 2020 group stage Denmark leh Finland khelhah khan Eriksen chu lunglam thalo avangin a tlusawp/tlu a nih kha. Mourinho pawhin Eriksen harsatna tawh chungchangah a thinlung a khawih hle niin a sawi.

“Vawiin hian nimin thil thleng kha ka ngaihtuah tawp bang thei lo. Lungchhiatna lam ni lovin, lawmna tur a nih ka ring.” tiin Jose Mourinho chuan talkSPORTĀ a hrilh.

“Football hian doctors leh specialist tha tak tak a nei nual a, an chet chhuah ngei ka rin. Tun dinhmunah hi chuan Pathian pawhin football hi a thlir ka ring tlat. Mi zawng zawngin Christian Eriksen leh a chhungte an tawrhpui a, dam leh ngei turin an duh.”

“Hei hi football ai mahin a pawimawh zawk a, mahse, tun dinhmun angah hi chuan football hlut zia a lang leh thin. Hmangaihna, inpumkhatna leh chhungkaw tanrualna a lang a ni. Hetah hian an chhungkaw chungchang chauh a ni lova, football chhungkua chungchang a ni zawk. Football hian mipui te chu hmunkhatah min hruai khawm thin.”

“Nimin khan ka tawngtai a, ka tap bawk. Mahse, khawvelah millions engzat chiahin nge hetiang hian ti ve ta ang le? Mi tamtakin an tih ka ring, a chhan chu football hian mipui te lungrual takin min hruai thin.”

“Nimina thil thalo thleng avang khan football chuan mipui te chu rilru hmunkhat min put tir a, a tawpah Christian Eriksen a damchhuah leh avangin kan celebrate thei.”

“A nihna takah chuan, amah ka be lova, mahse, tukin zing khan Pierre-Emile Hojbjerg ka bia a, Pierre chuan Christian Eriksen chungchangah a tha lam a sawi. Ka news hriat hi a tha hle, tun hi lawm hun a ni tih ka hria.” tiin Jose Mourinho chuan a sawi.

SOurce SL

Related Posts

Leave a Reply

Your email address will not be published. Required fields are marked *

error: Content is protected !!