Jose Mourinho player sign duh 8

Transfer window a inhawn rualn Jose Mourinho pawhin managerial hna thar a thawk tan ve nghal a, Season thar inbuatsaihna atana Jose Mourinho player lak luh duh player 8 te kan rawn tarlang ve leh dawn a ni.

May thla khan Portuguese manager Jose Mourinho hi AS Roma manager thar atan puan a ni. Premiere League club Tottenham Hotspur in an ban atanga kar khatna velah manager hna thar hi a hmu nghal.

Jose Mourinho chuan tun hnai lawk atang khan Club board lam atangin thilthlawnpek tlemte a dawn a beisei a, he a thilthlawnpek atang hian AS Roma squad thuam that chu a tum niin a sawi. Italian khawpuiah hian hlawhtlinna lian tak chan ngei a tum.

CalcioMercato tarlan dan chuan Chelsea boss hlui Jose Mourinho hian Chelsea left back Emerson leh Marcos Alonso chu lak luh a rilruk niin an sawi. Left back lam a duh chhan chu hunrei tak hliam neih vanga chawl tur Itlay left back Leonardo Spinazzola vang a ni.

Calcio Mercato tho hian tarlang lehin Roma lamin Denmark International Mikkel Damsgaard chu lak luh an duh niin a tarlang leh. Damsgaard hi Euro 2020 ah a che tha hle a, hei vang hian Europe club lian thenkhat ten an duh hle niin an sawi bawk.

Damsgaard hi kum 20 a upa chauh ala ni a, tunah hian Serie A club Samdoria tan a khel mek, Juventus lam pawhin lak luh an duh ve bawk.

Jose Mourinho player lak luh duh 8 te:

Mikkel Damsgaard (Sampdoria)

Marcos Alonso (Chelsea)

Ivan Perisic (Inter Milan)

Rui Patricio (Wolverhampton Wanderers)

Granit Xhaka (Arsenal)

Ramy Bensebaini (Borussia Monchengladbach)

Emerson (Chelsea)

Federico Dimarco (Hellas Verona)

Source SL

Related Posts

Leave a Reply

Your email address will not be published. Required fields are marked *

error: Content is protected !!