Jesse Lingard’an United lama a hmalam hun tur a sawi chiang?

Manchester United attacking midfielder Jesse Lingard chuan season thar lo awm turah, a hmalam hun tur a sawi a, Red Devils lamah hian a khel chhunzawm dawn niin a lang.

Kum 28 a upa Jesse Lingard hi season chanve vel khelh a nih hnu khan West Ham United lamah loan in a khel a, London Club West Ham United tan Premiere League match 16 a khelh atang goal 9 a khung mai bakah assist vawi 5 a nei tling bawk a ni.

Hammers manager David Moyes chuan season tharah pawh Jesse Lingard chu kawl a duh rih thu a sawi a, mahse, Lingard chuan season thar atan a hmalam hun a sawi a, regular taka khelh theih chu a duh ber a nih thu a sawi.

“Regular taka football khelh hi ka tan chuan thil pawimawh ber a ni.” tiin Jesse Lingard chuan Sky Sports a hrilh.

“Loan a ka khelh chhuah hnuah, team-ah ka kir leh a, goal khung leh assist neihah keimah tak tak inhmu tawh dawn a ni”

“Ka theihna te hi ka ringhlel ve ngai lova, englai pawhin ka inring tawk. Pre season-ah khan Manager Ole Gunnar Solskjaer chu ka bia a, game khelh tam ka mawmawh tiin ka hrilh. Ani chua December a nih hunah kan sawi dun dawn nia tiin a sawi a, chuan kan inbe leh ta a, loan a chhuak turin min pawm.”

“West Ham lama ka khelh chhung pawh khan vawi tamtak kan inbia a ni. Min puihnasa hle, ka tan chuan loan ropui a ni.” tiin Jesse Lingard chuan a sawi.

A sawi dan kal hmangah hi chuan Season thar lo awm turah khian United-ah kan hmuh leh hmel.

Source Sl

Related Posts

Leave a Reply

Your email address will not be published. Required fields are marked *

error: Content is protected !!