January transfer window-ah Paul Pogba hi chhuah a tum ta em ni?

Manchester United star Paul Pogba agent chuan January transfer window lo awm turah midfielder hmalam hun tur a sawi chiang uar niin a lang.

Kan hriat angin Frenchman Pogba hian Red Devils lamah contract zawhna tur kum a hmang mek a, Season zawh rualin contract dang sign tur chungchang erawh ala lang thei rih lo.

World Cup winner hi Juventus leh Real Madrid te nena sawi zawm mek a ni a, Pogba’an season tawpah Old Trafford a chhuahsan dawn chuan free transfer in an la lut thei dawn a ni.

Super agent Mino Raiola chuan kum 28 a upa hian dreams a neih thu a sawi a, Manchester United player hlui te chuan amah leh Pogba chungchang hi sawi tawh lo turin a ngen.

“December thla hi dreams thla a ni, chuan dream hi ka tawpsan thei lo, mahse, Paul chungchang erawh a tha ber lo.” tiin Mino Raiola chuan Rai a hrilh niin Fabrizio Romano chuan a tarlang.

“Manchester United player hlui ten kei leh Paul chungchang hi sawi tawh lo ula a tha ang, engmah a sawt chuang lo.” tiin a sawi bawk.

Tun season Premiere League khelh tan tirh khan Paul Pogba hi a rawn che tha nghal hle a, Premiere League match hmasa 4 a inlan atangin assist vawi 7 lawih a nei nghal. Mahse, rei vak lovah che tha lo tanin, hliamin a tlak buak nghal a, thla leh chhung pawh khi a khel thei rih dawn lo niin a lang.

Kum 2016 khan Juventus atang Red Devils a zawm leh a, a zawm atang match 212 lai maiah inlan tawhin, UEFA Europa League nomawi leh League cup nomawi a chawi pui tawh.

Source SL

Related Posts

Leave a Reply

Your email address will not be published. Required fields are marked *

error: Content is protected !!