Italy lamah football a khel thei tawhlo maithei?

Christian Eriksen chu Italy lamah professional football a khel thei tawh lo maithei niin report in a tarlang.

Kan hriat angin 2020 UEFA European Championship match Denmark leh Finland khelh tumah khan Christian Eriksen chu lunglam thalo (cardiact arrest) vangin a tlu a, nikhawhreloin a awm a nih kha.

Eriksen teammates

Hemi avang hian kum 29 a upa Eriksen chu hospital lamah kal pui nghal niin a lung chu an test a, an zir chiang nghal bawk. Denmark team doctor chuan Ningani khan Eriksen lungah khawl an vuah thu a sawi.

Italian publication Gazzetta dello Sport tarlan dan chuan Inter Milan midfielder Christian Eriksen chu Italy lamah a khel thei ngai tawh dawn lo niin an sawi, a chhan chu a lungah khawl an vuah tak avang khan, hei hi Italy-ah chuan danin a phal lo a ni.

Mahse, Eriksen lunga khawl an vuah Implantable Cardioverter-defibrillator (ICD) hi vuah hlen tur a nih chauhin a khel thei dawn lo a. He khawl hi a vuah hlen dawn nge dawn lo tih a la hriat loh a ni.

“Italian thuneitu te chuan sport hrim hrimah hetiang lung lampang khawl ang chi hmang hrim hrim chu tel an khap bur a, a chhan chu an khawn palhin a chhiat theih vang a ni” tiin correspondent David Stoppini chuan a ziak.

“Mahse, Eriksen’an ICD khawl a hman hi vuah hlen tur a nih loh chuan, Italy lamah a la khel thei dawn a, lo khel leh thei pawh nise, medical check hrang chrang a paltlang a ngai dawn a ni.” tiin a sawi bawk.

Related Posts

Leave a Reply

Your email address will not be published. Required fields are marked *

error: Content is protected !!