Indian Football: India coach Igor Stimac hnuaia minute khel tam player 5

All India Football Federation (AIFF) chuan kum 2019 May ni 15 khan India head coach thar atan Igor Stimac chu a ruat a, Croatian coach hian Stephen Constantine a thlak a ni.

Manager angin kum 2 chhung a awm tawh a, Stimac hian India team tan result tha tak tia han sawi tur a la hmuh pui lo a ni. Match 15 a khelh pui tawh atangin game 2 ah chiah hnehna a chan pui thei rih. India chu chet that pui vak lo mahse, thla tlemte a contract neih an pawhsei sak leh a ni. Tun tumah hian Igor Stimac hnuaia minute khel tam player 5 te kan rawn tarlang ve leh dawn a ni.

5. Manvir Singh – 822 minutes

India v Qatar - FIFA World Cup 2022 Qualifiers

Manvir Singh hi Stimac hnuaia khel tam zingah a tel ve a, Stimac’an India a enkawl tan tirh atangin India tan minute 822 lai a khel tling tawh a ni. India tan game 20 a khelh tawh chinah player che tha tak tia han sawi mai thei a ni lo, kum 25 a upa hian goal 4 a khung an, 2020 FIFA World Cup qualifiers Oman nen an khelh tum khan goal khat a khung nghe nghe.

4. Udanta Singh – 847 minutes

Kumam Udanta Singh

Udanta Singh hi India footballer talent nei tha tak pakhat a ni. Kum 2014 khan Bengaluru FC tan a sign, heta tang hian a rawn lar chho tan.

Bengaluru tan a che tha hle a, kum 2 a liam meuh chuan Indian senior squad-ah a awm vak tawh. Tunah phei chuan player chhawr ber pakhat a ni.

3. Rahul Bheke – 916 minutes

Rahul Bheke

2018/19 season khen Bengalur FC tan a chet that em avangin Rahul Bheke hi India coach thar Igor Stimac’an a vawikhatna atan India squad tan a ko. India tan a game hmasa ber a khelh atangin a che tha hle a, tunah chuan Blue Tiger tan player rinrawl ber pakhat a ni mek.

2. Sunil Chhetri – 922 minutes

Sunil Chhetri

Sunil Chhetri hi India player ropui ber pakhat a ni, tunah hian kum 36 apa ni tawh mahse, goal khung lamah ala duailo hle. AIFF Player of the Year atan vawi 6 lai an thlang tawh a, kum 2 liamta vel atang khan hliam neuh neuhin a ti buai ve zeuh zeuh. India coach Igor Stimac hnuaia minute khel tam ber dawttu a ni.

1. Gurpreet Singh Sandhu – 1082 minutes

Gurpreet Singh Sandhu

India player atanga UEFA Europe League khel hmasaw ber Gurpreet Singh Sandhu hi Indian number one goalkeeper a nih mai bakah India player tha ber pakhat a ni tih chu hairual a ni lo.

Sandhu hi Indian player atang Europe a professional football khel thei panga zinga pakhat ni. India coach Igor Sitmac’an India a enkawl atangin Gurpreet Singh hian India tan minute 1082  a khel tling tawh. India player zinga khel tam ber a ni. Igor Sitmac hian a ringtawk hle tih a chiang.

Source Ninetyminute

Related Posts

Leave a Reply

Your email address will not be published. Required fields are marked *

error: Content is protected !!