‘I am Zlatan’ tih movie trailer chu tlangzarh a ni VIDEO

Zlatan Ibrahimovic chanchin thenkhat movie an chan ‘I Am Zlatan’ tih trailer chu an tlangzarh a, a hmuhnawm hmel hle.

‘I Am Zlatan’ tih movie hi Swedish football star Zlatan Ibrahimovic biopic a ni a, kum 2018 atanga chan tan tawh niin Scandinavian film producer tena an siam niin a vawikhatna atan trailer hi an tlangzarh a ni.

He movie trailer hi Ibrahimovic chuan a official social media channel lamah a post a, a full a an tlangzarh tep tawh thu a post bawk, fans te lawm a hlawh hle.

Kum 2014 khan Zlatan Ibrahimovic autobiography hi ziah a ni tawh a, chu chu ‘I, Ibra’ tih a ni. He project ziaktu chu David Lagercrantz leh Jakoc Beckman niin, Jen Sjogren’an a directing bawk.

Ibrahimovic pawhin a chanchin te a hrilh a, Sweden leh Amsterdam lamah te an chang nasa, helai hmun pahnih hi football khawvela a zin tamna ber a ni.

Video Trailer chu

Trailer-a a lan dan chuan Zlatan Ibrahimovic naupan lai, Malmo lama an awm lai pawh a lang tel a, helai hmunah hian kum 1977 khan a Zlatan nu leh pa chu an insawn a ni.

‘I Am Zlatan’ tih movie ah hian a changtu (actor) pahnih an awm a, Dominic Andersson Bajraktati leh Granit Rushiti anni. Kum 39 a upa Zltan hun hman dan hrang hrangah an chang a, a naupan lai atanga rawlthar talent nei tha tak a nih thlengin an changa ni.

Mino Raiola, hunrei tak Ibrahimovic agent leh thian tha tak lo ni tawh lemah hian Emmanuele Aita a chang a ni.

Source SB

Related Posts

Leave a Reply

Your email address will not be published. Required fields are marked *

error: Content is protected !!