He Player hian Ballon d’Or a dawng lo a nih chuan dan bawhchhiatna lian tak a ni ang – Michael Owen

Premiere League forward hlui Michael Owen chuan Bayern Munich forward Robert Lewandowski chu 2021 Ballon d’Or dawngtu tur atan thlang.

Michael Owen chuan Lewandowski’an kum hmasa lam Ballon a d’Or a dawng lo chu a vanduai hle tiin a sawi. Kan hriat angin Covid 19 hrileng avangin kum hmasa lam Ballon d’Or chu cancel a nih kha. Mahse, kum 41 a upa Owen chuan a Robert Lewandowski hi candidate dang tumahin an phak lo niin a sawi.

“COVID 19 avanga Lewandowski’an Ballon d’Or a dawng ta lo kha a vanduai tak zet, kum hmasa lam kha chu suspend emaw cancel a ni. Tun tumah pawh hian dawng turin ka duhsak pui ber. Candidate dang pawh an awm nual, Mo Salah pawhin season ropui tak a hmang a, mahse eng nomawi mah a chawi lo, chutiang bawkin Jorginho pawh Chelsea tan engkimah hnehna a chang.” tiin Michael Owen chuan Daily Sport kal tlangin Euro Sport a hrilh.

“Mahse, Lewandowski chunga awm tur player tha dang ka hmu loin ka hria, amah chu dawng turin ka duh ber. Bundesliga nomawi a chawi nawn leh ang.” tiin a sawi belh.

Robert Lewandowski’an a career-ah Ballon d’Or a dawng lo a nih chuan dan bawhchhiatna, thil tihsualna lian tak a ni ngei ang tiin Michael Owen chuan a sawi bawk.

Bayern Munich in tun hnaia hlawhtlinna hrang hrang an chanah hian Robert Lewandowski hi a bul pui ber pakhat a ni. Kum 33 a upa forward hian season hma khan Bayern Munich tan match 40 inlanin goal 48 lai a khung thei a ni. Hei mai bakah Bundesliga nomawi a chawi bawk.

Season hmasa lehah pawh khan Lewandowski hian Bayern Munich tan match 47 a inlan atang goal 55 lai a khung leh thei a, Beyarn munich chu a treble pui nghe nghe. 2020 Ballon d’Or kha cancel chu ni lo se chuan a dawng ngei ang.

Source Sl

Related Posts

Leave a Reply

Your email address will not be published. Required fields are marked *

error: Content is protected !!