Harry Kane hian Man City a pan mai lovang maw?

Tottenham Hotspur striker Harry Kane chuan Premiere League champion Manchester City a zawm thut thei niin report in a tarlang.

Kan hriat angin Harry Kane chuan Tottenham chhuahsan a duh thu a sawi chhuak tawh a nih kha. Chhuahsan a duh chhan pawh chona thar dang hmachhawn duh vang leh major trophy chawi duh vang niin an sawi.

England captain Harry Kane zawm tura rinkaiah hian Citizen an langsar hle. Man City striker in Sergio Aguero’an FC Barca a zawm hnu phei chuan amah thlaktu tura rinkai ber pakhay ani mek.

Tunhnaia report in an tarlan dan chuan Tottenham Hotspur lam hian Man City in Harry Kane lak nana £100 million an thehchhuah chu an hnawlsak niin an tarlang.

Mahse, The Telegraph in an tarlan ve dan chuan, Harry Kane hi Spurs tan Pre season training turin a inreport rih lo niin England lama a teammate thenkhat ten an sawi niin a tarlang.

An sawi zel danah Spurs chairmain Daniel Levy chuan Harry Kane transfer chungchangah engmah ala ti lova, hei vang hian Harry Kane chuan club thar a zawn pawh a tul maithei niin an sawi.

Spurs manager thar Nuno Espirito Santo chuan Holiday atanga Harry Kane a rawn kir hunah inbiak a duh thu a sawi.

Related Posts

Leave a Reply

Your email address will not be published. Required fields are marked *

error: Content is protected !!